తెలంగాణ కల్లు డిపోలపై హైకోర్టులో పిటిషన్

Posted: 10/13/2014 05:04 PM IST

తెలంగాణలో కల్లు దుకాణాల నిర్వహణపై హైకోర్టులో ప్రజా ప్రయోజన వ్యాజ్యం దాఖలయింది. ఈ పిటిషన్ ను విచారణకు స్వీకరించిన న్యాయస్థానం కౌంటర్ దాఖలు చేయాలని తెలంగాణ ప్రభుత్వాన్ని ఆదేశించింది. తదుపరి విచారణను రెండు వారాలకు వాయిదా వేసింది. ఆరోగ్యానికి హాని చేయటంతో పాటు కుటుంబాలను చిన్నాభిన్నం చేసే మద్యంను ప్రభుత్వమే ప్రోత్సహించటానికి వ్యతిరేకంగా ఈ పిల్ దాఖలయింది. గతంలో రద్దు చేసిన కల్లు డిపోలను తిరిగి ప్రభుత్వమే తెరుస్తామని చెప్పటంపై పలు స్వచ్చంద సంస్థలు ఆశ్చర్యం వ్యక్తం చేయటంతో పాటు ఆగ్రహం వ్యక్తం చేశాయి.

కల్లు దుకాణాలను త్వరలోనే అనుమతిస్తామని తెలంగాణ ప్రభుత్వం ప్రకటించింది. అంతేకాకుండా హైదరాబాద్ లో కూడా కల్లుడిపోల నిర్వహణ ఉంటుందని ప్రభుత్వం తెలిపింది. ఈ నిర్ణయంపై తీవ్ర విమర్శలు వస్తున్నాయి. ప్రభుత్వం దగ్గరుండి మద్యపానంను ప్రోత్సహిస్తోందని స్వచ్చంధ సంస్థలు విమర్శిస్తున్నాయి. ఇలాంటి నిర్ణయాల వల్ల సమాజంలో చెడు పోకడలకు దారి తీయటంతో పాటు.., కుటుంబ పర సమస్యలు, ఆరోగ్య సమస్యలు వస్తాయని ఆందోళనలు వ్యక్తం అవుతున్నాయి. ఈ నేపథ్యంలోనే ప్రభుత్వ నిర్ణయాన్ని సవాల్ చేస్తూ కోర్టులో పిటిషన్ దాఖలయింది.

కార్తిక్