అలల ఉద్దృతికి పరుగులు తీసిన జేసీ

Posted: 10/12/2014 10:55 AM IST

Horifying hudhud cyclone waves creates terror jc runs away

భీకరంగా వస్తున్న తుఫాను విశాఖ నగరంలో తీరం దాటవచ్చని వార్తల నేపథ్యంలో క్షేత్రస్థాయిలో పరిస్థితిని సమీక్షించేందు వెళ్లిన విశాఖ జాయింట్ కలెక్టర్ (జేసీ) ప్రవీణ్ కుమార్ విశాఖ ఫిషింగ్ హర్బర్ వద్దకు చేరుకున్నారు. ఫిషింగ్ హార్బర్‌లో అప్పటికే అలల ఉద్ధృతికి రక్షణ గోడ కూలిపోయింది. గత అక్టోబరులో పై-లిన్ తుపానుకి కూడా ఇదే గోడ కూలిపోయింది. దీంతో కూలిన రక్షణ గోడ వద్ద నిల్చోని పరిస్థితిని సమీక్షిస్తున్న జేసీకి ఉవ్వెత్తున ఎగసిపడుతున్న అలలు వచ్చి తాకాయి. వాటి తాకిడి నుంచి తప్పించుకునే ప్రయత్నంలో ప్రవీణ్ కుమార్ పరుడుతు తీయాల్సి వచ్చింది. అయితే ఆయనతో పాటు అక్కడే వున్న ఆయన సిబ్బందికి కూడా ఇదే పరిస్థతి ఎదురైంది. ఇక అక్కడ వుండలేమనుకున్న జేసీ వాటి నుంచి కొంత దూరానికి వచ్చి పరిస్థితి సమీక్షించారు.

ఇదిలావుండగా, యారాడ, ఆర్కేబీచ్, రుషికొండ, భీమునిపట్నం తదితర ప్రాంతాల్లో సముద్రం 20 మీటర్ల ముందుకొచ్చింది. లోతట్టు ప్రాంతాల్లో నివశించే కుటుంబాలను పునరావాస కేంద్రాలకు తరలించేందుకు యంత్రాంగం చర్యలు చేపట్టింది. విశాఖ నుంచి వెళ్లే బస్సు, రైళ్లు, విమాన సర్వీసులను తాత్కాలికంగా నిలిపి వేశారు. జాతీయ రహదారుల్లో నిన్నరాత్రి 7 గంటల తరువాత వాహన రాకపోకలు నిలిచి పోయాయి. తీర గ్రామాలకు సాయంత్రం 5 తరువాత బస్సులు నిలిపివేశారు. జాతీయ రహదారిపై మరో 45 బస్సు సర్వీసులు నిలిచిపోయాయి. గాలులతో పలు చోట్ల విద్యుత్తు సరఫరాకు తీవ్ర అంతరాయం ఏర్పడింది

జి.మనోహర్