ఈ బుడోడ్డు మళ్లీ రెచ్చిపోయాడు..

Posted: 10/10/2014 05:34 PM IST

ఆంధ్రప్రదేశ్ సీఎం చంద్రబాబు తనయుడు లోకేష్ మరోసారి రెచ్చిపోయారు. తన వయస్సు, ఎదుటి వారి స్థాయిని లక్షపెట్టకుండా విమర్శలతో చెడుగుడు అడుకుంటున్నారు. తెలంగాణలో విద్యుత్ సంక్షోభం, తెలంగాణ అభివృద్దిపై కేసీఆర్ ధమ్మంటే చంద్రబబుతో బహిరంగ చర్చలకు రావాలని సవాల్ నిన్న సవాల్ విసిరిన బుల్లోడు.. ఇవాళ్ల మళ్లీ ట్విట్టర్ లో ఘాటు విమర్శలకు దిగారు. తెలంగాణ సీఎం కేసీఆర్పై విమర్శలు గుప్పించారు. చంద్రబాబుతో చర్చించేందుకు కేసీఆర్కు ధైర్యంలేదని రుజువైందని అన్నారు. సమయం వృధా చేయాడానికే చంద్రబాబుతో చర్చలకు తమ మంత్రులను పంపుతామంటున్నారని కేసీఆర్ను ఎద్దేవా చేశారు. తెలంగాణ ప్రజలను తప్పుదోవ పట్టించే ప్రయత్నాన్ని కేసీఆర్ చేస్తున్నారని లోకేష్ విమర్శించారు. ఈ మేరకు లోకేష్ ట్వీట్టర్లో పేర్కొన్నారు.

అయితే తెలంగాణలోని పలు అంశాలపై చంద్రబాబుతో చర్చకు రావాలని లోకేష్ తెలంగాణ సీఎం కేసీఆర్కు సవాల్ విసిరారు. దీనిపై తెలంగాణ మంత్రులు జగదీశ్ రెడ్డి, ఉపముఖ్యమంత్రి టి. రాజయ్య స్పందించారు. చంద్రబాబుతో చర్చకు తాము సిద్ధమేనని ఇప్పటికే తెలంగాణ విద్యాశాఖ మంత్రి జగదీశ్వర్ రెడ్డి స్పష్టం చేశారు. అయితే నారా లోకేష్ కు తెలంగాణ బాధ్యతలను అప్పగించాలని చంద్రబాబు యోచిస్తున్న తరుణంలో తమ పార్టీ నేతలు కారు ఎక్కడానికి సిద్దం కావడంతో లోకష్ తీవ్ర మనస్థాపానికి గురయ్యారట. తాజాగా గ్రేటర్ హైదరాబాద్ అధ్యక్షుడు, ఎమ్మెల్యే తలసాని, మహేశ్వరం ఎమ్మెల్యే తీగల కృష్ణారెడ్డి టీఆర్ఎస్ తీర్థం తీసుకుంటున్నట్లు ప్రకటించారు. అందుకనే తన స్థాయి వ్యక్తి కాదని తెలిసినా.. కేసీఆర్ తో తలపడి వీరుడినని చెప్పుకునేందుకు లోకష్ తీవ్రంగా ప్రయత్నిస్తున్నారని విమర్శలు కూడా వినబడుతున్నాయి.

జి.మనోహర్