అనుకూల వాతావరణం కల్పిస్తే.. పెట్టుబడులకు సిద్దం

Posted: 10/10/2014 04:12 PM IST

భారత ప్రధాని నరేంద్ర మోదీ అమెరికా పర్యటన అత్యంత విజయవంతమైంది. ఈ విషయాన్ని భారత్ వాసులు ఎప్పుడో అంగీకరించినా.. అగ్రరాజ్యం మాత్రం నెమ్మదిగా అంగీకరించింది. అమెరికా అధ్యక్షుడు ఒబామా ప్రభుత్వానికి చెందిన కీలక పరిపాలనాధికారులు ఇవాళ ఈ విషయాన్నివెల్లడించారు. భారత ప్రధాని నరేంద్రమోడీ పర్యటన విజయవంతమైందని, ఇక పలు విధాన నిర్ణయాలను అమలు చేయాల్సిన సమయమని పేర్కొన్నారు. భారత్‌లో పెట్టుబడులకు తగిన వాతావరణం కల్పించడానికి కొత్త ప్రభుత్వానికి ఇది తగిన సమయమని వారు వెల్లడించారు.

అమెరికా పర్యటన సందర్భంగా ప్రధాని తమ దేశ వాణిజ్యవేత్తలకు పలు హామీలను ఇచ్చారని, వాటిని అమలు చేయడమే ఇక కీలకమన్నారు. భారత్ లో పెట్టుబడులకు ఫలితాలు అనుకూలంగా ఉంటాయని అధికారులు మైక్ ఫ్రోమాన్, పెన్నీ ప్రిట్జకర్ తెలిపారు. వాషింగ్టన్‌లో అమెరికా-ఇండియా వ్యాపార కౌన్సిల్ వార్షిక సమావేశంలో మాట్లాడుతూ పలువురు వాణిజ్యవేత్తల ప్రశ్నలకు సమాధానం ఇచ్చారు.

జి.మనోహర్