విశాఖ నుంచి హస్తినకు విమానయాన సేవలు

Posted: 10/10/2014 02:48 PM IST

Indigo airlines non stop services to delhi from vizag

ఇండిగో విమానయాన సంస్థ దేశీయ నెట్‌వర్క్‌లో 10 కొత్త డైలీ నాన్-స్టాప్ విమాన సర్వీసులను ప్రారంభించింది. హైదరాబాద్, వైజాగ్, గోవా, ఢిల్లీ, బెంగళూరులకు నాన్‌స్టాప్ సర్వీసులను ప్రారంభించింది. ఇవాళ్టి నుంచి ఢిల్లీ-వైజాగ్ల మధ్య నాన్‌స్టాప్ విమాన సర్వీస్‌ను తొలిసారిగా ప్రవేశపెట్టామని యాజమాన్య. వర్గాలు తెలిపాయి. అలాగే హైదరాబాద్-వైజాగ్‌ల మధ్య మూడవ డైలీ నాన్‌స్టాప్ విమాన సర్వీసును, ముంబై-హైదరాబాద్‌ల మధ్య 6వ నాన్‌స్టాప్ విమాన సర్వీసులను అందిస్తున్నామని తెలిపాయి.

ఈనెల 26 నుంచి ఢిల్లీ-గోవా నాల్గవ డైలీ నాన్‌స్టాప్ విమాన సర్వీస్‌ను, ఢిల్లీ-బెంగళూరు 9వ డైలీ నాన్‌స్టాప్ విమాన సర్వీస్‌ను ప్రారంభిస్తామని ఇండిగో యాజమాన్యం పేర్కొంది. ఢిల్లీ-విశాఖ డైలీ నాన్-స్టాప్ సర్వీస్‌ను తొలిసారిగా ప్రారంభిస్తున్నామని, ప్రయాణికులు అదే రోజు ఆంధ్రప్రదేశ్‌కు రిటర్న్ జర్నీ చేయవచ్చని తెలిపింది. ఏపీ ప్రభుత్వం ఏవియేషన్ టర్బైన్ ఫ్యూయల్‌పై పన్నులు తగ్గించిందని, ఫలితంగా తక్కువ చార్జీలు ఆఫర్ చేసే అవకాశాలున్నాయని, కనెక్టివిటీ మెరుగుపడుతుందని ఇండిగో యాజమాన్యం పేర్కొంది.

జి.మనోహర్