త్వరలో కేంద్ర మంత్రివర్గ విస్తరణ, బండారుకు ఛాన్స్ దక్కెనా..

Posted: 10/09/2014 06:20 PM IST

కేంద్ర మంత్రి వర్గం విస్తరణపై ఊహాగానాలకు త్వరలో తెరపడనుంది. ఈ నెల 20వ తేదీ తర్వాత కేంద్రమంత్రి వర్గ విస్తరణ జరగనున్నట్లు తెలిసింది. కొత్తగా ఐదుగురికి కేంద్ర మంత్రివర్గంలో స్థానం దక్కే అవకాశం ఉన్నట్లు సమాచారం. ప్రస్తుతం ఉన్న మంత్రుల్లో ఎవరికి ఉద్వాసన ఉండదని, కాకపోతే మంత్రుల శాఖల్లో మార్పులు జరిగే అవకాశం ఉండవచ్చునని సమాచారరం.
 
మహారాష్ట్ర, హర్యానా అసెంబ్లీ ఎన్నికల తర్వాత కేంద్ర మంత్రిమండలి విస్తరణకు రంగం సిద్ధమవుతోంది. ఈ నెల 19న మహారాష్ట్ర, హర్యానా అసెంబ్లీ ఎన్నికల ఫలితాలు వెలువడిన వెంటనే కేంద్ర మంత్రివర్గ విస్తరణను చేపట్టాలని ప్రధాని నరేంద్రమోడీ యోచిస్తున్నట్లు సమాచారం. ఈ విస్తరణలో ఎవరెవరికి పదవులకు దక్కుతాయన్నది ఇప్పడు హాట్ టాపిక్ గా మారింది, దీంతో మోడీతో పాటు అయన నమ్మకస్థుల అమాత్యుల వద్దకు బీజేపి ఎమ్మెల్యేలు క్యూకడుతున్నాట్లు తెలిపింది.  ఈ విస్తరణలో రాష్ట్రం నుంచి ప్రాతినిథ్యం వహిస్తున్న మాజీ కేంద్ర మంత్రి బండారు దత్తత్రేయకు పదవి దక్కనున్నట్లు ఊహాగానాలు వినబడుతున్నాయి.

జి. మనోహర్