వైసీపీ అళ్లగడ్డ అభ్యర్థిగా భూమా అఖిలప్రియ

Posted: 10/09/2014 04:24 PM IST

ఆళ్లగడ్డ శాసనసభకు జరగనున్న ఉపఎన్నికకు దివంగత నేత భూమా శోభానాగిరెడ్డి తనయ భూమా అఖిలప్రియ పేరును వైఎస్ఆర్ కాంగ్రెస్ పార్టీ ఖారారు చేసింది. గత సార్వత్రిక ఎన్నికలకు సమయంలో ప్రచారం ముగించుకుని ఇంటికి చేరుకుంటున్న తరుణంలో రోడ్డ ప్రమాదం సంభవించి శోభానాగిరెడ్డి మరణించారు. ఎన్నికలు చివరి మజలీకి చేరుకున్న తరుణంలో ఎన్నికలను నిలపివేయలేమని అయితే మరోమారు ఉప ఎన్నిక నిర్వహిస్తామని కేంద్ర ఎన్నికల సంఘం తెలిపింది. దాంతో నాలుగు నెలల క్రితం జరిగిన ఎన్నికలో ఆళ్లగడ్డ నుంచి మరణించిన తరువాత కూడా అఖండ విజయం సాధించి దేశంలోని ఓ అరుదైన రికార్డును సాధించారు.
 
అయితే ఇటీవల జరిగిన నందిగామ ఉప ఎన్నిక సమయంలో పోటీ పెట్టవద్దని  వైఎస్ఆర్సీపీ అధినేత వైఎస్ జగన్మోహన్ రెడ్డిని టీడీపీ నేత మండలి బుద్ధ ప్రసాద్ కోరారు. దాంతో నందిగామ ఉప ఎన్నికలో వైఎస్ఆర్ కాంగ్రెస్ పార్టీ తరపున అభ్యర్థిని బరిలోకి దింపలేదు. అయితే అదే సాంప్రదాయాన్ని కొనసాగిస్తూ.. ఆళ్లగడ్డ ఉప ఎన్నికను ఏకగ్రీవం చేసేందుకు అన్ని పార్టీలతో సంప్రదింపులు చేయటం కోసం వైస్ జగన్మోహన్ రెడ్డి ఒక ద్విసభ్య కమిటీని నియమించారు. దిసభ్య కమిటి సభ్యులుగా ఎంవీ మైసూరా రెడ్డి, ధర్మాన ప్రసాదరావులను ఎంపిక చేశారు. అయితే నందిగామ ఒక్కటే కాదు, ఆళ్లగడ్డలో కూడా తమ ప్రభావాన్ని చాటుతామని గతంలో చెప్పిన కాంగ్రెస్.. ఇక్కడ ఎన్నికల బరిలో ఎవరిని దింపుతుందో మరి.

జి. మనోహర్