పార్టీ అధినేతా.? ప్రధాన మంత్రా..? సామ్నాలో సేన విమర్శలు

Posted: 10/08/2014 03:08 PM IST

Modi is pm should look after the country first

మహారాష్ట్రపై దృష్టి పెట్టడం మానేని పాకిస్థాన్ దూకుడుకు అడ్డుకట్ట వేయడమేలాగో ఆలోచించాలని ప్రధాని నరేంద్ర మోడీకి శివసేన సూచించింది. నియంత్రణ రేఖ వెంబడి భారత బలగాలపై పాకిస్థాన్ కాల్పులకు తెగబడుతున్నా అదుపు చేయడంలో మోడీ సర్కారు విఫలమైందని 'సామ్నా' పత్రికలో శివసేన పేర్కొంది. దేశ సరిహద్దులో చెలరేగుతున్న హింసపై యావత్ దేశం భయాందోళనకు గురవుతున్న సమయంలో ప్రధాని హోదాలో వున్న మోడీ మాత్రం.. పార్టీ అధినేతలా పనిచేస్తున్నారని విమర్శలు గుప్పించింది.

మహారాష్ట్ర రాజకీయాలపై దృష్టి పెట్టడం మాని, పాకిస్థాన్ పై దృష్టి పెట్టాలని సలహాయిచ్చింది. దేశ ప్రజల ప్రయోజనాలు కాపాడడానికి 56 అంగుళాల ఛాతి అవసరం లేదని, దృఢమైన సంకల్పం ఉంచే చాలని శివసేన పేర్కొంది. మహారాష్ట్ర రాజకీయాల గురించి తర్వాతైనా ఆలోచించొచ్చని, అంతకంటే ముందు పొరుగుదేశం దాడులపై స్పందించాలని కోరింది.

జి. మనోహర్