ఆ రెండింటికీ సంబంధమే లేదు..

Posted: 10/06/2014 11:42 AM IST

విజయవాడలో ఆంధ్రప్రదేశ్ రాజధీని కోసం రైతులు తమ భూములను ఇచ్చేందుకు సిద్దంగా వున్నారని రాష్ట్ర ముఖ్యమంత్రి చంద్రబాబు నాయుడు ప్రకటించిన తరువాత కూడా.. అసలు ఆ రెండింటికీ సంబంధమే లేదని అంటున్నారు టీడీపీ ఎంపీ సుజనా చౌదరి. అవునండీ.. ఆంధ్రప్రదేశ్ రాజధానికి, రైతుల భూములకు ఎలాంటి సంబంధం లేదంటున్నారు. ప్రభుత్వ లెక్కల ప్రకారం అక్కడున్న పోరంబోకు, కొండ పొరంబోకు భూములన్నింటినీ పరిగణలోకి తీసుకున్నా.. రైతులు భూములు తీసుకుంటే గాని రాజధాని నిర్మాణం జరగని పరిస్థతి.

మరి సుజనా చౌదరి మాత్రం ఇలా ఎందుకన్నారు. రాజధాని కోసం భూములు ఇచ్చే రైతులు అంధోళన చెందకుండా సుజనాచౌదరి ఈ వ్యాఖ్యలు చేశారా..? లేక దీని వెనక మరేదైనా మతలబు వుందా అని రైతులు ఆరా తీస్తున్నారు. పైపెచ్చు.. రాజధానికి భూములు ఇచ్చే రైతులు ఆందోళన చెందాల్సిన అవసరం లేదని, వారికి మెరుగైన ప్రయోజనం కోసం ప్యాకేజీ అందిస్తామని కూడా ఆయన హామీ ఇచ్చారు. ఆ ..ఈనెల 15వ తేదీలోపు రుణమాఫీ ప్రక్రియ పూర్తవుతుందని తెలిపారు. ఆ తర్వాత రైతులకు కొత్తరుణాలు కూడా మంజూరు అవుతాయని సుజనా చౌదరి అన్నారు.

జి.మనోహర్