విశాఖ విమానాశ్రయానికి మంచి రోజులు..

Posted: 10/05/2014 11:58 AM IST

విశాఖ విమానాశ్రయానికి మంచి రోజులు రానున్నాయిజ. అంతర్జాతీయ హోదా కాకపోయినా..  అత్యాధునిక సౌకర్యాలతో దేశీయంగా ఉత్తమ విమానాశ్రయంగా తీర్చదిద్దేందుకు కేంద్రం ప్రయత్రాలు ఏర్పాటు చేస్తుంది. దేశంలో తొలిదశగా ఏర్పాటు చేయనున్న ఐదు స్మార్ట్ సిటీలలో భాగంగా విశాఖను కూడా ప్రధాని నరేంద్రమోడీ ఎంపిక చేసుకున్న అటు విశాఖ విమానాశ్రయం అభివృద్దికి చర్యలు తీసుకుంటున్నారు. విశాఖ స్మార్ట్ సిటీని.. అమెరికా సాయంతో నిర్మాణం చేయనున్న నేపథ్యంలో  విశాఖ విమానాశ్రయాన్ని అభివృద్ధి చేస్తామని కేంద్ర మంత్రి అశోక్‌గజపతిరాజు ఇవాళ వెల్లడించారు.

శ్రీకాకుళంలో ఏర్పాటు చేసిన టీడీపీ విస్తృత స్థాయి సమావేశంలో ఆయన పాల్గొన్నారు. పుట్టపర్తిలో ఏవియేషన్ అకాడమీ పెట్టాలని ప్రతిపాదన ఉందని వెల్లడించారు. చిన్న విమానాశ్రయాల వల్ల రవాణా, పర్యాటక రంగాలు అభివృద్ధి చెందుతాయన్నారు. ఉత్తరాంధ్ర, రాయలసీమ మధ్య రవాణా సౌకర్యాలు మెరుగుపరుస్తామని తెలిపారు. తోటపల్లి రిజర్వాయర్‌ను సాధ్యమైనంత తర్వగా పూర్తి చేస్తామని అశోక గజపతిరాజు అన్నారు.

జి.మనోహర్