తెలంగాణలో నిలిచిన అత్యవసర సేవలు

Posted: 10/04/2014 03:52 PM IST

తెలంగాణ రాష్ట్రంలో అత్యవసర సేవలు నిలిచిపోయాయి. 108 సేవలకు రాష్ట్రవ్యాప్తంగా అంతరాయం ఏర్పడింది. రాష్ట్రంలో డీజిల్ కొరత ఏర్పడటంతో రాష్ట్రంలోని వాహనాలు ఎక్కడికక్కడే నిలిచిపోయాయి. దీంతో అత్యవసర సమయంలో రావాల్సిన 108 వాహనాలు ఆఫీసులకు పరిమితం అయ్యాయి. అటు అంబులెన్సులు బయటకు రాకపోవటంతో రోగులు, ఇతర అత్యవసర సేవ అవసరం అయినవారు తీవ్రంగా ఇబ్బంది పడుతున్నారు. ముఖ్యంగా రోగులు, రోడ్డు ప్రమాద బాధితులు తీవ్ర అవస్థలు పడుతున్నారు.

జీవీకే-ఈఎంఆర్ఐ ఆద్వర్యంలో తెలంగాణ, ఏపీల్లో 108 సేవలు నడుస్తున్నాయి. దీనిలొ పనిచేస్తున్న ఉద్యోగులకు ఆరు నెలలుగా వేతనాలు కూడా అందటం లేదు. దసరా, బక్రీద్ పండగలు ఉన్న నేపథ్యంలో తాము జీతాలు లేకుండా పండగలు ఎలా జరుపుకోవాలని తెలంగాణలోని 108ఉద్యోగులు ప్రభుత్వాన్ని ప్రశ్నించారు. అటు వెంటనే వేతనాలు అందించాలని కేసీఆర్ కు ఉద్యోగులు లేఖ రాశారు కూడా. ఈ లోపే ఇలా అంబులెన్సు సేవలు నిలిచిపోవటంతో సేవల మనుగడపై ఆందోళన వ్యక్తం అవుతోంది.

కార్తిక్