ఇస్లామిక్ తీవ్రవాదులు మళ్ళీ బలితీసుకున్నారు

Posted: 10/04/2014 09:33 AM IST

ఇస్లామిక్ తీవ్రవాదులు మరోసారి రెచ్చిపోయారు. తమ బంధీలో ఉన్న బ్రిటన్ జాతీయుడిని అత్యంత పాశవికంగా  హత్య చేశారు. బంధీగా ఉన్న పౌరుడు అలన్ హెన్నింగ్స్ ను దారుణంగా హతమార్చారు. దీనికి సంబంధించిన వీడియోను శుక్రవారం రోజు విడుదల చేశారు. ఈ సందర్బంగా  బ్రిటన్ వ్యవహరిస్తున్న తీరుపై ఉగ్రవాదులు మరోసారి ఆగ్రహం వ్యక్తం చేశారు. తమకు వ్యతిరేకంగా పనిచేస్తే భవిష్యత్తులో ఇలాంటి ఘటనలు పునరావృతం అవుతాయన్నారు. తమ దుశ్చర్యలను ఉగ్రవాదులు సమర్దించుకున్నారు.

ఉగ్రవాదుల ఘాతుకంపై బ్రిటన్ ప్రధాని డేవిడ్ కేమరూన్ ఆగ్రహం వ్యక్తం చేశారు. మిలిటెంట్లు పిరికిచర్యలకు పాల్పడుతున్నారని విమర్శించారు. తమ పౌరులను హతమార్చిన వారిని వేటాడుతామని  మరోసారి హెచ్చరించారు. అమెరికాతో కలిసి ఇస్లామిక్ స్టేట్ ఉగ్రవాదులపై బ్రిటన్ దాడులకు సిద్ధమయింది. దీనికి నిరసనగా వారు చేసిన రెండవ బ్రిటన్ జాతీయుడి హత్య ఇది. అటు తమ దగ్గర బంధీగా ఉన్న అమెరికాకు చెందిన యుద్ద నిపుణుడు పీటర్ కిస్సింగ్ ను కూడా  చంపేస్తామని ఉగ్రవాదులు హెచ్చరించారు. అమెరికాకు తమ తదుపరి హెచ్చరిక ఇదే అని ఉగ్రవాదులు స్పష్టం చేశారు.

 

కార్తిక్