కటకటాల్లో విజయనగరం కామాంధులు..

Posted: 09/30/2014 10:49 AM IST

స్నానం చేస్తున్న మైనర్ బాలిక వీడియో తీసి.. బెదిరింపులకు గురిచేసి.. సామూహిక అత్యాచారానికి  పాల్పడిన ఐదుగురు సభ్యుల గ్యాంగ్‌ను  విజయనగరం జిల్లా పోలీసులు అరెస్ట్ చేశారు. గజపతి మండలం పురిటిపెంటకు చెందిన బాలిక స్నానం చేస్తుండగా అదే  గ్రామానికి చెందిన శివాజీ నాయక్‌ అనే  యువకుడు వీడియో తీశాడు. దీన్ని అడ్డుపెట్టుకుని తన కోరిక తీర్చాలని లేని పక్షంలో వీడియోను నెట్ లో పెడతానని బెదిరింపులకు దిగాడు. తీవ్ర ఒత్తిడి పెరగడంతో శివాజీ నాయక్ కు లొంగిపోయిన బాలికను అనుభవించాడు. అది చాలదన్నట్లు.. తన స్నేహితులతో కలిసి బాలికపై పలు సార్లు గ్యాంగ్ రేప్ కు పాల్పడ్డాడు.

గ్యాంగ్ నుంచి బెదిరింపులు, అత్యాచారం పెరిగిపోవడంతో ఏం చేయాలో తెలియక.. మైనర్ బాలిక ఇంటి నుంచి వెళ్లిపోయింది. దీంతో బాలిక తల్లిదండ్రులు పోలీసులను ఆశ్రయించారు. బాలికను అదుపులోకి తీసుకుని విచారించిన పోలీసులు జరిగిన విషయాన్ని తెలుసుకున్నారు. బాలిక ఇచ్చిన సమాచారంతో ప్రధాన నిందితుడు శివాజి నాయక్‌తో పాటు గ్యాంగ్ రేప్, బెదిరింపులకు పాల్పడ్డ నలుగురు స్నేహితులను అదుపులోకి తీసుకున్నారు.  నిందితులపై నిర్భయ చట్టం కింద కేసు నమోదు చేసి రిమాండ్ కు తరలించారు.

జి.మనోహర్