అలిపిరి వద్ద బాబు కాన్వాయ్ కు ప్రమాదం

Posted: 09/26/2014 03:51 PM IST

Chandrababu convoy vehicle accdent at alipiri

ఏపీ ముఖ్యమంత్రి చంద్రబాబునాయుడు కాన్వాయ్ లోని వాహనం ప్రమాదంకు గురయింది. తిరుమల మార్గ మద్యలో ఉన్న అలిపిరి చెక్ పోస్టు సమీపంలో.., కాన్వాయ్ లోని ఇంటలిజెన్స్ ఐజీ కారు, తుడా వైస్ చైర్మన్ కారును ఢీ: కొట్టింది. ఈ ప్రమాదంలో కారు స్వల్పంగా దెబ్బతిన్నది. వెంటనే అప్రమత్తమైన భద్రతా సిబ్బంది ఘటనను పరిశీలించారు. ఎక్కువసేపు కాన్వాయ్ వాహనం ఆపకుండా ప్రయాణం కొనసాగించారు. అయితే ఈ ప్రమాదంలో ఎవరికి ఎలాంటి గాయాలు కాలేదని తెలుస్తోంది.

12 సంవత్సరాల క్రితం ఇదే అలిపిరి చెక్ పోస్టు సమీపంలో ఉమ్మడి ఏపీ ముఖ్యమంత్రిగా ఉన్న చంద్రబాబు నాయుడుపై మావోయిస్టులు బాంబు దాడి చేశారు. ఈ దాడిలో బాబు గాయపడి ప్రాణాపాయం నుంచి తప్పించుకున్నారు. రెండ్రోజుల క్రితమే ఈ కేసులో నిందితులుకు కోర్టు శిక్ష విధించింది. అంతలోనే మరోసారి కాన్వాయ్ అలిపిరి వద్ద ప్రమాదంకు గురవటం విశేషం.

కార్తిక్