లామ్ ను వెలిగించిన ఇస్రో శాస్త్రవేత్తలు

Posted: 09/24/2014 07:54 AM IST

భారత్ తో పాటు యావత్ ప్రపంచాన్ని ఎంతో ఉత్కంఠకు లోనుచేస్తున్న మంగళ్ యాన్ ప్రయోగం.. చివరి దశకు చేరింది. మరి కొద్దిసేపట్లో అరుణగ్రహంపై భారత ఉపగ్రహం ప్రవేశించే ఉద్విగ్ధ క్షణాల కోసం భారతీయులందరూ ఆసక్తిగా ఎదురుచూస్తున్నారు. మార్స్ ఆర్బిటర్ మిషన్(మామ్)ను అరుణగ్రహ కక్ష్యలోకి ప్రవేశపెట్టే ప్రక్రియను శాస్త్రవేత్తలు ప్రారంభించారు. మార్స్ ఆర్బిటర్ మిషన్‌లో లామ్ శాస్త్రవేత్తలు మండించారు. ఉదయం 7.42 నుంచి 8.04 గంటల వరకు ఉపగ్రహ చలన దిశను ఇస్రో మళ్లించనుంది. కాసేపట్లో అరుణగ్రహ కక్ష్యలోకి మార్స్ ఆర్బిటర్ మిషన్ శాస్త్రవేత్తలు కక్ష్యలోకి ప్రవేశపెట్టనున్నారు.

7.45: బ్యాలాలులోని డీప్ స్పేస్ సెంటర్ నుంచి ఉపగ్రహ కదలికలు ఇస్రో శాస్త్రవేత్తలు పరిశీలించారు. ఉదయం .25కు మంగళ్ యాన్ అరుణగ్రహం వెనక్కు వెళ్లిందని, 7.30కు మంగళ్ యాన్ ఇంజన్లు అన్ని ధృడంగా వున్నాయని చెప్పింది. 7.47: లామ్ ఇంధనం పూర్తిగా దహనమైన వుంటుందని ఇస్రో శాస్త్రవేత్తలు భావిస్తున్నారు. అదే సమయంలో మంగళ్ యాన్ భూమి వైపు తిరిగి సమాచార వ్యవస్థను అందుకుని వుంటుందని భావిస్తున్నారు.  మధ్యాహ్నం 12.30: ఉపగ్రహం నుంచి తొలిచిత్రం ఇస్రో శాస్త్రవేత్తలు అందుకుంటారు. దీంతో ప్రయోగం విజయవంతం అవుతుంది.

జి. మనోహర్