తెలంగాణ బాటలోనే పయనిస్తున్న ఏపీ ప్రభుత్వం..

Posted: 09/23/2014 06:24 PM IST

రాష్ట్రం ఆర్థిక లోటుతో కొట్టమిట్టాడుతన్నా.. వ్యవసాయ రుణాల మాఫీలో మాత్రం తెలంగాణతో పోటీ పడేందుకు సిద్దమైంది ఆంధ్రప్రదేశ్ ప్రభుత్వం. తెలంగాణ ప్రభుత్వం రైతుల రుణమాఫీకి సంబంధించి ఉత్తర్వులు జారీ చేస్తూ జీవోను విడుదల చేయడంతో ఆంధ్రప్రదేశ్ ప్రభుత్వం కూడా ఇప్పడు ఆ దిశగా చర్యలు చేపడుతోంది. విడతల వారీగా పంట రుణాలను మాఫీ చేసేందుకు రంగం సిద్దంచేస్తోంది.

మరో వారం, పది రోజుల్లో వ్యవసాయ రుణమాఫీకి సంబంధించి తొలి విడత నగదు విడుదల చేయనున్నట్టు ఆంధ్రప్రదేశ్ వ్యవసాయ శాఖ మంత్రి ప్రత్తిపాటి పుల్లారావు తెలిపారు. విజయనగరం జిల్లా గంటియాడ మండలం పెదవేమని గ్రామంలో పొలం పిలుస్తోంది కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ... రుణమాఫీకి తమ ప్రభుత్వం కట్టుబడివుందన్నారు. విత్తనశుద్ధి కేంద్రంతో పాటు చీపురుపల్లి వెటర్నరీ కాలేజీ, వెటర్నరీ పాలిక్లినిక్ ఏర్పాటు చేస్తామని మంత్రి హామీయిచ్చారు.

జి.మనోహర్