భారత్ ఖాతాలోకి మరో రెండు పతకాలు..

Posted: 09/23/2014 03:24 PM IST

ఆసియా క్రీడల్లో నాల్గవ రోజు భారత్ మరో రెండు పతకాలను తన ఖాతో వేసుకుంది. స్క్వాష్ పురుషుల సింగిల్స్ లో పాటు పురుషుల 10మీటర్ల రైఫిల్ ఈవెంట్‌లో భారత్ రజత, కాంస్య పథకాలను సాధించింది. స్క్వాష్ పురుషుల సింగిల్స్ లో కొత్త చరిత్ర సృష్టించి.. ఫైనల్ లోకి దూసుకువెళ్లిన భారత స్క్వాష్ మేటి ఆటగాడు సౌరవ్ ఘోషాల్ వెండి పతకంతో సరిపెట్టుకున్నాడు.. మంగళవారం జరిగిన ఫైనల్లో కువైట్ ఆటగాడు అబ్దుల్లా ఆల్మీజయేన్ చేతిలో  12-10, 11-2, 12-14, 8-1, 9-11 తో ఓటమిపాలయ్యాడు. రెండో స్థానంలో నిలిచిన సౌరవ్ గోషాల్ కు వెండి పతకం లభించింది.

అంతకుముందు జరిగిన పురుషుల 10మీటర్ల రైఫిల్ ఈవెంట్‌లో భారత స్టార్ షూటర్ అభినవ్ బింద్రా ఆసియా క్రీడల్లో తొలి పతకం గెల్చుకున్నాడు. మూడో స్థానంలో నిలిచిన బింద్రా కాంస్య పతకం సాధించాడు. చైనాకు చెందిన యాంగ్(209.6) స్వర్ణం, ఇఫాయ్ కావో(208.9) వెండి పతకాలు గెల్చుకున్నారు. అంతకుముందు జరిగిన పురుషుల 10 మీటర్ల టీమ్ ఈవెంట్ లోనూ సంజీవ్ రాజ్పుత్, రవి కుమార్ తో కలిసి బింద్రా కాంస్యం దక్కించుకున్నాడు.  కాంస్యం దక్కించుకున్న తరువాత ప్రొఫెషనల్ షూటర్‌గా ఇదే తన చివరి రోజు అని బింద్రా ప్రకటించాడు.

జి.మనోహర్