అరుదైన, ఆకర్షనీయమైన *సీతాకోక చిలుక’

Posted: 09/20/2014 01:23 PM IST

ఇది సరికొత్త సీతాకోక చిలుక.. అత్యంత ఆకర్షణీయంగా వున్న ఈ అరుదైన సీతాకోక చిలుక మన దేశంలోనే వున్నా.. దీనిని ఇటీవలే గుర్తించారు. సాధారణ సీతాకోక చిలుకకు కొంచెం పెద్దగా వున్న ‘మాత్' అనే ఈ సీతాకోక చిలుక.. సాధారణ సీతాకోకచిలుకకన్నా అయిదు నుంచి ఆరు అంగుళాల వెడల్పు రెక్కలతో అతిపెద్దదిగా ఉందన్నారు. దీనిని మన రాష్ట్రంలోని  కడప జిల్లా లంకమల అడవిలో అటవీ సిబ్బంది గుర్తించారు. కలివికోడి పునరావాస కేంద్రం క్షేత్రసహాయకుడు రాజేంద్ర ప్రసాద్ ఈ వివరాలను వెల్లడించారు.

 'ఇది గాలిలో వెళుతుండగా బేస్‌క్యాంపు సిబ్బంది కొండూరు బీటులోని ఎర్రబల్లి బ్లాక్‌లో గుర్తించి కిందకు రప్పించారన్నారు. దాన్ని పరిశీలించగా సాధారణ వాటికన్నా భిన్నంగా ఉందన్నారు. రెక్కలపై ఉన్న రింగుల మధ్యలో కింది ప్రదేశాలు కన్పించేలా ప్రత్యేకత కలిగి ఉందన్నారు. ఇది అరుదైనదని తెలిపారు. దీనిని పరిశీలించిన అధికారులు దీనిపై అధ్యయనాలను కూడా ప్రారంభించేందుకు సిద్దం అయినట్టు సమాచారం.

జి.మనోహర్