తప్పతాగి పట్టబడ్డ డైరెక్టర్, రాంగోపాల్ వర్మ

Posted: 09/20/2014 07:12 AM IST

Ramgopal varma others found in drunk and drive check up

హైదరాబాద్ ట్రాఫిక్ పోలిసులు నిర్వహించిన డ్రంక్ అండ్ డ్రైవ్ స్పెషల్ తనిఖీల్లో తెలుగు సినీ ప్రముఖులు మళ్ళీ బుక్కయ్యారు. జూబ్లీహిల్స్ పీఎస్ పరిధిలోని వెంకటగిరి దగ్గర శుక్రవారం రాత్రి నిర్వహించిన ప్రత్యేక తనిఖీల్లో బీవీఎస్ రవి అనే తెలుగు సినిమా దర్శకుడితో పాటు ఒక రచయిత కూడా పట్టుబడ్డారు. అటు ఇదే కారులో ప్రముఖ దర్శకుడు రామ్ గోపాల్ వర్మ కూడా కారులో ఉన్నారు. అయితే ఆయన మద్యం తనిఖీల్లో పట్టుబడలేదు. రాత్రి మొత్తం నిర్వహించిన ఈ తనిఖీల్లో 20మందిపై పోలిసులు కేసు పెట్టారు. అంతేకాకుండా 14 కార్లు, 6 బైకులు స్వాధీనం చేసుకున్నారు.

అతిగా మద్యం తాగి కారు నడిపిన రవిపై కేసు నమోదు చేసినట్లు పోలిసులు తెలిపారు. ఆయనతో పాటు నిందితులు అందరికి సోమవారం కౌన్సిలింగ్ ఇవ్వటంతో పాటు వారందర్నీ మంగళవారం కోర్టులో ప్రవేశపెడతామన్నారు. వీరికి ఫైన్ లేదా జైలుశిక్ష లేదా రెండు కలిపి విధించే అవకాశం ఉన్నట్లు తెలుస్తోంది. తాజాగా శుక్రవారం రిలీజ్ అయిన ‘ఆగడు’ సినిమా బాలేదంటూ వర్మ వివాదాస్పద కామెంట్లు చేశాడు. అటు తనకు అప్పులు ఇచ్చినవారికి కనబడకుండా తిరుగుతున్నట్లు పలు మీడియా సంస్థలు కధనాలు ప్రచురించాయి.

కార్తిక్