‘‘మైక్రోసాఫ్ట్’’ బిల్ గేట్స్ తో కేంద్రమంత్రి వెంకయ్య మీటింగ్!

Posted: 09/18/2014 09:03 PM IST

(Image source from: bill gates to met central minister venkaiah naidu on friday)

ప్రపంచంలో దిగ్గజ సంస్థ అయిన మైక్రోసాఫ్ట్ వ్యవస్థాపకుడు అయిన బిల్ గేట్స్ తో శుక్రవారం ఉదయం 11.45 నిముషాలకు కేంద్ర పట్టణాభివృద్ధి శాఖమంత్రి వెంకయ్యనాయుడితో భేటీ కానున్నారని తాజా సమాచారం! దీంతో ఈ విషయం చర్చనీయాంశంగా మారిపోయింది. వీరిద్దరి భేటీ మధ్య ఎటువంటి అంశాలపై చర్చ జరగబోతోందని అటు రాజకీయవర్గాలతోపాటు మీడియా రంగాలు కూడా ఆసక్తికరంగా ఎదురుచూస్తున్నారు. ఆంధ్రప్రదేశ్ లో మైక్రోసాఫ్ట్ ప్రాజెక్టులు నిర్మాణ కార్యక్రమాల వ్యవహారాల మీద చర్చలు జరిగే అవకాశం వుందని రాజకీయ విశ్లేషకులు భావిస్తున్నారు.

గతంలో ఏపీ సీఎం చంద్రబాబు నాయుడు ఆంధ్రాలో మైక్రోసాఫ్ట్ కంపెనీని తీసుకొస్తానని చెప్పిన నేపథ్యంలో... ఇప్పుడు బిల్ గేట్స్ ఇలా వెంకయ్యనాయుడితో కలవడం టాక్ ఆఫ్ ది టౌన్ గా మారిపోయింది. అయితే బిల్ గేట్స్ ఫౌండేషన్ తరఫున బారతదేశంలో నిర్వహిస్తున్న పారిశుద్ధ్య ప్రాజెక్టులపై ఆయన వెంకయ్యతో కలిసి చర్చించనున్నారని తెలుస్తోంది. ఏదేమైనా వీరిమధ్య జరిగే ఈ భేటీ ఎటువంటి అంశాలు తెరమీదకు రానున్నాయో తెలియాలంటే వేచి చూడాల్సిందే!