వినికిడికి చేపలు దివ్వ ఔషధం

Posted: 09/12/2014 12:09 PM IST

చెవుడు బారిన పడకూడదని అనుకుంటున్నారా? అయితే చేపలు తినండి. ఏ చేప తినాలన్న సందేహం వద్దు.. ఏ రకం చేపలు తిన్నా.. చెవుడు బారిన పడకుండా రక్షణ ఇస్తుందని తాజా అధ్యయనాలు వెల్లడిస్తున్నాయి. ఇన్నాళ్లు కేవలం హృద్రోగ బారిన పడకుండా చేపలు దివ్వ ఔషదంగా భావిస్తున్న తరుణంలో చెవుడు బారిన కూడా పడకుండా చేపలు రక్షణనిస్తాయని అధ్యయనాలు స్పష్టం చేస్తున్నాయి.

వారానికి రెండు, అంతకన్నా ఎక్కువసార్లు చేపలు తినేవారికి.. ముఖ్యంగా మహిళలకు వినికిడి లోపం ముప్పు 20శాతం తక్కువగా ఉంటున్నట్టు బ్రైగమ్ అండ్ వుమెన్స్ హాస్పిటల్‌ వైద్యులు తాజా అధ్యయనాల ద్వారా కనుగోన్నారు. నిజానికి వయసు పెరుగుతున్నకొద్దీ వినికిడి కూడా తగ్గుతుంటుంది. అయితే మార్చుకోదగిన ముప్పు కారకాలను గుర్తించటం వల్ల ఈ సమస్యను నివారించుకోవటానికి లేదా ఆలస్యమయ్యేలా చేసే అవకాశముందని అమెరికా లోని బాస్టన్ నగరంలో వున్న బ్రైగమ్ అండ్ వుమెన్స్ హాస్పిటల్‌కు చెందిన షరోన్ జి.కుర్‌హన్ తెలిపారు. చేపలు హానికారకాలను గుర్తించడంతో దోహడపడటం వల్ల వినికిడి లోపం రాకుండా రక్షణగా నిలుస్తాయని అన్నారు. ఎలాంటి చేపలను తిన్నా చెవుడు ముప్పు తగ్గుతోందన్నారు. ఇంకేముందు.. వారానికి రెండు రోజల పాటు చేపలను తినడం అలవాటుగా చేసుకుంటే సరి..

జి.మనోహర్