ఆంబులెన్సు ఢీ: ముగ్గురి మృతి

Posted: 09/11/2014 11:13 AM IST

ప్రాణాలు కాపాడాల్సిన అంబులెన్సు ముగ్గురి మృతికి కారణం అయింది. తూర్పుగోదావరి జిల్లాలో ఆర్టీసీ బస్సు 108 అంబులెన్సు ఢీ:కొన్నాయి. ఈ దుర్ఘటనలో ముగ్గురు మృతి చెందారు. బాధితుల వివరాల ప్రకారం.., కాకినాడ నుంచి రాజమండ్రికి వెళ్తున్న ఆర్టీసీ బస్సు పెద్దాపురం సమీపంలోని ఏడీబీ రోడ్డు సమీపంలో ఎదురుగా వచ్చిన 108 అంబులెన్సును ఢీ:కొట్టింది. ఈ ప్రమాదంలో అంబులెన్సులో ఉన్న రోగి అక్కడికక్కడే మృతి చెందాడు. అటు ప్రమాదంలో తీవ్రంగా గాయపడ్డ అంబులెన్సు డ్రైవర్, ఒక పారామెడికల్ సిబ్బంది తీవ్రంగా గాయపడ్డారు. స్థానికులు పోలిసులకు సమాచారం అందిచగా ఘటనా స్థలానికి చేరుకున్న వారు.., బాధితులను మరో అంబులెన్సులో కాకినాడలోని అపోలో ఆస్పత్రికి తరలించారు.

అయితే క్షతగాత్రులిద్దరూ చికిత్స పొందుతూ మృతి చెందారు. చనిపోయిన ముగ్గురి మృతదేహాలను పోస్టుమార్టం కోసం కాకినాడ ప్రభుత్వ ఆస్పత్రికి తరలించారు. అటు ఈ ప్రమాదంలో బస్సులోని పలువురు ప్రయాణికులు కూడా గాయపడ్డారు. వీరిని పెద్దాపురం ప్రభుత్వ ఆస్పత్రికి తరలించారు. కేసు నమోదు చేసుకున్న పోలిసులు ధర్యాప్తు చేస్తున్నారు. ప్రమాదంపై స్థానికులు, బస్సులోని ప్రయాణికులను వివరాలు అడిగి తెలుసుకున్నారు. ఆస్పత్రికి వెళ్లకుండానే రోగి మృతి చెందటం పట్ల అతని బంధువులు ఆవేదన వ్యక్తం చేస్తున్నారు. బ్రతికించటం కోసమని అంబులెన్సులో పంపితే.., అదే మృత్యువాహనంలా తీసుకెళ్లిందని కుటుంబసభ్యులు రోదిస్తున్నారు.

కార్తిక్