ఆ సామర్ధ్యం ఉంటే స్వామికి మూడినట్లే !!

Posted: 09/08/2014 02:19 PM IST

వివాదాస్పద స్వామిజీ నిత్యానందకు లైంగిక సామర్ద్య పరీక్ష (పొటెన్సి టెన్ట్ ) పూర్తయింది. సుప్రీంకోర్టు ఆదేశాల ప్రకారం బెంగళూరులోని విక్టోరియా హాస్పిటల్ లో పరిక్ష కు సోమవారం రోజు నిత్యానంద హాజరయ్యారు. స్వామిజికి వైద్య పరీక్షలు నిర్వహించిన వైద్యులు ఆయన్ను పంపించివేశారు. అయితే ఇప్పుడీ పరిక్షలో ఫలితం ఏం వస్తందనే ఆసక్తి నెలకొంది. నిత్యానందకు లైంగిక సామర్ధ్యం ఉందా? లేదా అనే విషయంపై ఆసక్తికర చర్చ జరుగుతోంది.

విశ్వసనీయ వర్గాల సమాచారం ప్రకారం నిత్యానందకు లైంగిక సామర్ధ్యం కలిగి ఉన్నట్లు వైద్యులు ప్రాధమికంగా అంచనాకు వచ్చారని తెలుస్తోంది. ఫలితం వస్తే పూర్తిస్థాయిలో ఇది నిరూపణ అవుతుంది. ఒకవేళ సామర్ధ్యం ఉన్నట్లు పరిక్షలో ఫలితం వస్తే స్వామికి కష్టాలు తప్పవు. శిష్యురాలిని అత్యాచారం చేసిన కేసులో జైలు ఊచలు లెక్కించక తప్పదు. ఒకవేళ లైంగిక సామర్య్ధం లేదని ఫలితం వస్తే మాత్రం కేసు నుంచి ఊరట లభించినట్లే. కాని సమాజంలో మాత్రం తీవ్ర ఇబ్బందికర పరిస్థితులు ఎదుర్కోక తప్పదు.

నిత్యానంద శిష్యురాలు ఒకరు స్వామిజి., తనను అత్యాచారం చేశారని పోలిసులకు ఫిర్యాదు చేసింది. ఈ సందర్బంగా తాను అసలు మగాడినే కాదని గతంలో నిత్యానంద చెప్పారు. అటు ఇదే కేసులో ఆయన లైంగిక సామర్ధ్యం నిరూపించేందుకు పరీక్షలు జరపాలని కర్ణాటక హైకోర్టు ఆదేశించగా.., తీర్పును సుప్రీంలో సవాల్ చేశారు. అక్కడా పరాభవమే ఎదురుకావటంతో తప్పనిసరై పరిక్షకు హాజరయ్యారు. రిజల్ట్ కోసం స్వామి, అతని భక్తులు ఆత్రంగా ఎదురుచూస్తున్నారు.

 

కార్తిక్