జగ్గారెడ్డికి బెయిల్ మంజూరు

Posted: 09/03/2014 04:22 PM IST

బీజేపి నేత, మెదక్ ఉప ఎన్నిక అభ్యర్ధి జగ్గారెడ్డికి కోర్టులో ఊరట లభించింది. ఆయనపై జారి అయిన నాన్ బెయిల్ వారంటుకు బెయిల్ వచ్చింది. బుధవారం కోర్టుకు హాజరుకాకపోవటంతో జగ్గారెడ్డిపై సంగారెడ్డి కోర్టు ముందుగా ఈ వారంట్ జారీ చేసింది. తెలంగాణ ఉద్యమం సమయంలో టీఆర్ఎస్ కార్యకర్తలపై దాడి చేసిన ఘటనలో జయప్రకాష్ పై కేసు నమోదయింది. దీనితో పాటు సదాశివపేటలో ఓ వ్యక్తిని కొట్టినందుకు, అదే విధంగా సంగారెడ్డిలో టీఆర్ఎస్ కార్యకర్తలపై దాడి చేసినందుకు కూడా జగ్గారెడ్డిపై కేసులు నమోదయ్యాయి.

అయితే ఎన్నికల ప్రచార కార్యక్రమంలో ఉన్నందునే కోర్టుకు రాలేకపొయానని లాయర్ ద్వారా వివరణ ఇప్పించినట్లు తెలుస్తోంది. దీంతో కోర్టు బెయిల్ మంజూరు చేసింది.
పలుమార్లు వివాదాస్పద వ్యాఖ్యలు చేసినందుకు వివిధ పోలిస్ స్టేషన్లలో జగ్గారెడ్డిపై కేసులున్నాయి. విభజనకు ముందు కాంగ్రెస్ పార్టీలో ఉండి చాలా సందర్బాల్లో సమైక్య స్వరం విన్పించిన జగ్గారెడ్డి.., మెదక్ ఉప ఎన్నిక నోటిఫికేషన్ వెలువడ్డ తర్వాత బీజేపీలో చేరారు. తనను మరోసారి సమైక్యవాది అంటే చెప్పుతో కొడతానని టీఆర్ఎస్ నేతలను మంగళవారం తీవ్రంగా హెచ్చరించారు.

 

కార్తిక్