భార్యను సంతృప్తి పరచలేనంటూ కోర్టులో భర్త ఫిర్యాదు

Posted: 09/01/2014 05:58 PM IST

(Image source from: husband wants divorce from wife for demanding excessive sex)

ఇంతవరకు భార్యల్ని భర్తలు వేధించడం చూశాం కానీ.. ఇక్కడ మేటర్ మొత్తం రివర్స్ అయిపోయింది. ఒకవిధంగా చెప్పాలంటే ‘‘జంబలకిడిపంబ’’ అనే సినిమాలోలాగే ఈ కథ నడిచిందనే చెప్పుకోవచ్చు. తన భార్య పెడుతున్న వేధింపులు భరించలేక ఆమెతో కాపురం చేయలేనంటూ ఏకంగా కోర్టు మెట్లే ఎక్కేశాడు ఓ వ్యక్తి! అసలు భార్య, భర్తను వేధించడమేంటని సదరు వ్యక్తిని ప్రశ్నిస్తే... తన భార్య తనపై చేసిన అఘాయిత్యాన్ని గుక్కనిలపెట్టుకోకుండా వాపోతున్నాడు! తనకు ఎటువంటి పరిస్థితుల్లోనైనా తన భార్యతో విడాకులు ఇప్పించాల్సిందిగా వేడుకుంటున్నాడు.

ముంబై కుటుంబ వివాదాల న్యాయస్థానం ముందుకు వచ్చిన ఈ కేసులో బాధిత భర్త చెప్పిన వివరాల ప్రకారం... 2012 ఏప్రిల్ లో అతనికి వివాహం అయింది. అంతే! అప్పటినుంచి తన జీవితం డ్యాష్ డ్యాష్ పోయిందని పేర్కొన్నాడు. పెళ్లి జరిగినరోజు నుంచి తన భార్య అసహజ రీతిలో శృంగారం చేయాలంటూ ప్రతిరోజూ ఒత్తిడి తీసుకొచ్చేదట! ఆ ఒత్తిడి రానురాను వేధింపులకు దారితీసింది. అంతేకాదు.. లైంగిక సామర్థ్యం మరింత ఎక్కువగా పెంచుకోవడం కోసం మందులు వాడాలనీ.. మద్యం సేవించాలని నిరంతరం అతడ్ని వేధించేదని తెలిపాడు. ఒకవేళ తాను చెప్పినట్లు వినకపోతే.. మరొకరిని చూసుకోవాల్సి వుంటుందని బెదిరించేదని ఆవేదన వ్యక్తం చేశాడు.

దాంతో అతడు ఇంకేమీ చేయలేక తన భార్య చెప్పినట్లుగానే చేసేవాడు. ఈ పరిస్థితుల్లో అతను ఒకసారి జబ్బునపడి చికిత్స పొందాల్సి వచ్చింది కూడా! అతను చికిత్స చేయించుకుంటున్న రోజుల్లో కొంతకాలంవరకు విశ్రాంతి తీసుకోవాల్సిందిగా వైద్యులు చెప్పినప్పటికీ... తర్వాతి రోజు నుంచి మళ్లీ ఆమె తన వ్యవహారాన్ని మొదలుపెట్టేసిందని ఆ వ్యక్తి మొత్తుకుంటున్నాడు. రాత్రిసమయంలో ఆఫీసు నుంచి ఇంటికి రావాలన్న చాలా భయమేసేదని ఆవేదన వ్యక్తం చేస్తున్నాడు. అంతెందుకు.. రాత్రంతా సరిగ్గా నిద్రపోనివ్వకుండా అతనిని సతాయించేదని ఆ వ్యక్తి తన బాధను వెళ్లగక్కాడు. దీంతో అతను భార్యను వెగలేనని.. ఎట్టిపరిస్థితుల్లోనూ తనకు విడాకులు ఇప్పించాల్సిందేనంటూ ఆ వ్యక్తి కోర్టుకు మొరపెట్టుకున్నాడు.