కేసీఆర్ కు పోటీగా మెదక్ బరిలోకి దిగిన జగ్గారెడ్డి!

Posted: 08/27/2014 02:13 PM IST

(Image source from: Jagga Reddy to fight Medak by-election )

తెలంగాణ సీఎం కేసీఆర్, జగ్గారెడ్డికి మధ్య ఎటువంటి శత్రుత్వం వుందో అందరికీ తెలిసిందే! మెదక్ జిల్లా రాజకీయాల్లో గత పదేళ్లలో కేసీఆర్ ను లక్ష్యంగా చేసుకుని ఆయన అక్కడ పట్టుసాధించారు. కాంగ్రెస్ పార్టీ బలంతో టీఆర్ఎస్ పార్టీని ఏకిపారేసిన జగ్గారెడ్డి.. గత ఎన్నికల్లో ఘోరంగా ఓడిపోవడంతో ఆయన సైలెంట్ గా వుండిపోయారు. తెలంగాణ రాష్ట్రం ఏర్పడిన మెదక్ లోక్ సభ ఉప ఎన్నికల్లో భాగంగా ఆయనకు పార్టీ టికెట్ ఇవ్వకపోవడంతో ఆయన బీజేపీ పార్టీకి తనదైన రాజకీయ శైలితో దగ్గరయ్యారు. దీంతో ఆ పార్టీ ఆయనను సాదరంగా ఆహ్వానించింది. ప్రస్తుతం ఆయన లోక్ సభ భాజపా అభ్యర్థిగా పోటీ చేయనున్నట్టు అధికారికంగా ప్రకటించింది.

ఈ నేపథ్యంలో కిషన్ రెడ్డి మాట్లాడుతూ.. బీజేపీ ఎంపీ అభ్యర్థిగా జగ్గారెడ్డి బుధవారం మధ్యాహ్నం నామినేషన్ దాఖలు చేయనున్నట్లు వెల్లడించారు. అలాగే జగ్గారెడ్డి మాట్లాడుతూ.. గతంలో తాను బీజేపీలో పనిచేశానని, ఏబీవీపీ నుంచి క్రియాశీలక కార్యకర్తగా వున్నట్టు వెల్లడించారు. బీజేపీ కార్యాలయంలో ఏర్పాటు చేసిన మీడియా సమావేశంలో కిషన్ రెడ్డి, జగ్గారెడ్డి, బీజేపీ సీనియర్ నేతల ఇంద్రసేనారెడ్డి, చింతల రామచంద్రారెడ్డి, తదితరులు పాల్గొన్నారు.

AS