ఢిల్లీలో భారీ అగ్ని ప్రమాదం

Posted: 08/25/2014 01:42 PM IST

దేశ రాజధాని ఢిల్లీలోభారీ అగ్ని ప్రమాదం సంభవించింది. కన్నాట్ ప్లేస్ ప్రాంతంలో సోమవారం ఉదయం ఓ భవనం లోని కంప్యూటర్ సెంటర్ నుంచి మంటలు చెలరేగాయి. క్రమంగా పక్కన ఉన్న భవనంకు కూడా నిమిషాల వ్యవధిలో మంటలు వ్యాపించాయి. భారీగా మంటలు ఎగిసిపడటంతో పాటు దట్టంగా పొగలు కమ్మేయటంతో స్థానికులు తీవ్ర భయాందోళనకు గురయ్యారు. విషయం తెలుసుకున్న ఫైర్ సిబ్బంది 15 ఫైరింజన్లతో మంటలను ఆర్పివేశారు. మంటలు తిరిగి రాకుండా, ఇతర భవనాలకు వ్యాపించకుండా ముందస్తు జాగ్రత్త చర్యలు తీసుకున్నారు.

అగ్ని ప్రమాదంతో కన్నాట్ ప్లేస్ లో పొగ కమ్మేసింది. స్థానికంగా ఉండే షాపులు, ఇతర కార్యాలయాలను మూసివేశారు. అంతేకాకుండా రాజీవ్ చౌక్ లోని ఢిల్లీ మెట్రో రైలు 7వ గేట్ ను మంటల కారణంగా కూడా కొద్దిసేపు మూసివేశారు. ఈ ప్రమాదంకు గల కారణాలు ఇంకా తెలియకున్నా.., షాట్ సర్క్యూట్ వల్లే ప్రమాదం జరిగిందని ప్రాధమికంగా అంచనా వేస్తున్నారు. ఈ ప్రమాదంపై విచారణ జరిపి పూర్తి స్థాయి వివరాలు వెల్లడిస్తామని ఢిల్లీ అగ్నిమాపక శాఖ ఉన్నతాధికారులు తెలిపారు.

కార్తిక్