ఆకాశంలో విమానాల ఢీ:. ఆరుగురికి గాయాలు

Posted: 08/25/2014 11:19 AM IST

రోడ్లపై బస్సులు, లారీలు ఇతర వాహనాలు ఢీ:కొంటాయని తెలుసు. అప్పుడప్పుడూ రైళ్ళు కూడా ఢీ:కొంటాయని తెలుసు. కాని గాల్లో విమానాలు ఢీ: కొంటాయని ఎప్పుడైనా విన్నారా. అసలు ఊహించారా. కాని ఇప్పుడిది నిజంగా జరిగింది. స్విట్జర్లాండ్ లో రెండు విమానాలు ఆకాశంలో ఢీ:కొట్టుకున్నాయి. అయితే రెండు విమానాలు చిన్నవే కావటంతో పెద్ద ప్రమాదమేమీ జరగలేదు. ఈప్రమాదంలో ఆరుగురు గాయపడ్డారు. వీరిని ఆస్పత్రికి తరలించి చికిత్స అందిస్తున్నారు. రెండు విమానాల్లో ఒకటి సెయింట్ గాలెన్ సమీపంలోని ఓ పొలంలో కూలిపోయింది. ఈ విమానంలోని నలుగురు తీవ్రంగా గాయపడ్డారు. ప్రమాదం వివరాలు తెలుసుకున్న స్థానిక ఏటీఎస్ అధికారులు వెంటనే ఘటనా స్థలికి చేరుకుని సహాయక చర్యలు చేపట్టారు.

ఇక ప్రమాదంకు గురైన మరో విమానం సిట్టర్ డార్ఫ్ ప్రాంతంలో అత్యవసరంగా ల్యాండ్ అయింది. ఈ విమానంలోని ఇద్దరు కూడా తీవ్రంగా గాయపడినట్లు స్విస్ పోలిసులు వెల్లడించారు. అయితే ప్రమాదంకు గల స్పష్టమైన కారణాలు మాత్రం ఇంకా తెలియదన్నారు. ఈ ఘటనపై విచారణ జరిపి పూర్తి వివరాలు వెల్లడిస్తామని చెప్పారు. ఆకాశంలో విమానాలు ఢీ:కొంటుండటంతో ఇప్పుడిక.., ఆకాశంలో కూడా ట్రాఫిక్ సిగ్నళ్ళు ఏర్పాటు చేయాలేమో. అయితే రెడ్ సిగ్నల్ పడితే ఎక్కడ ఆగాలి అని ప్రశ్న అందర్నీ తొలుస్తోంది.

కార్తిక్