అమవాస్య. ఆలయంలో 10మంది మృతి

Posted: 08/25/2014 09:28 AM IST

Stampade in madhyapradesh temple 10 devotees dead

మధ్యప్రదేశ్ లోని సాత్నా జిల్లా చిత్రకూట్ లో విషాదం నెలకొంది. స్థానిక కంఠానాధ్ ఆలయంలో ఈ ఉదయం తొక్కిసలాట జరిగింది. ఈ దుర్ఘటనలో 10మంది భక్తులు ప్రాణాలు కోల్పోయారు. అంతేకాకుండా చాలామంది గాయపడ్డారు. మృతుల్లో ఐదుగురు మహిళలు ఉన్నారు. విషయం తెలిసిన వెంటనే ఆలయానికి చేరుకున్న అధికారులు సహాయక చర్యలు చేపట్టారు. తొక్కిసలాటలో గాయపడ్డవారిని స్థానిక ఆస్పత్రులకు తరలించి చికిత్స అందిస్తున్నారు. ఉన్నతాధికారులు కూడా ఆలయానికి వచ్చి పరిశీలించినట్లు తెలుస్తోంది.

అమవాస్య వల్లే జరిగింది

అమవాస్య కావటంతో ఆలయంలో పూజలు చేసేందుకు భక్తులు భారీగా తరలివచ్చారు. అమవాస్య రోజు కంఠనాధుని దర్శించుకుంటే మంచి జరుగుతుందని ఇక్కడి ప్రజల నమ్మకం. దీంతో చిత్రకూట్ నుంచే కాకుంా దూర ప్రాంతాల నుంచి కూడా భక్తులు తరలిరావటంతో., రద్దీ పెరిగింది. రద్దీకి తగినట్లు ఆలయ నిర్వాహకులు ఏర్పాట్లు చేయకపోవటంతో తొక్కిసలాట జరిగి పదిమంది చనిపోయారని తెలుస్తోంది. ఈ దుర్ఘటనపై మధ్యప్రదేశ్ ప్రభుత్వం విచారం వ్యక్తం చేసింది. గాయపడ్డవారికి మెరుగైన వైద్య సాయం అందించాలని అధికారులను ఆదేశించింది.

కార్తిక్