ఆంధ్రా ఉద్యోగులు, విద్యార్థులను వెళ్లగొట్టేందుకే ఈ సర్వే -రేవంత్

Posted: 08/18/2014 09:49 AM IST

సమగ్ర సర్వే వెనుక తెరాస ప్రభుత్వం కుట్ర ఉందని, తెలంగాణ ప్రజలకు సంక్షేమ పథకాలు నిలుపుదల చేయడానికే ఈ సర్వే అని, దీన్ని తెలంగాణ ప్రజలు గ్రహించకుండా ఉండేందుకు ఆంధ్రోళ్లకు వ్యతిరేకంగా రహస్య ప్రచారం చేస్తున్నారని తెలంగాణ తెలుగుదేశం పార్టీ నాయకుడు రేవంత్ రెడ్డి అన్నారు.

సర్వేపై తెలంగాణ ముఖ్యమంత్రి కె. చంద్రశేఖర రావు అధికారికంగా ఒక మాట, అనధికారంగా మరో మాట చెబుతున్నారని ఆయన ఆదివారం మీడియా సమావేశంలో విమర్శించారు. అధికారులతో కేసీఆర్ సంభాషణను మీడియాకు వినిపించారు. "ఆంధ్రా ఉద్యోగులు, విద్యార్థులను వెళ్లగొట్టేందుకే ఈ సర్వే అని, డిస్కరేజ్ చేస్తే వారే ఇక్కడి నుంచి వెళ్లిపోతారని... నా పని సాఫ్ అయిపోతుందని... దీన్ని నేను మైకులు పెట్టి చెప్పలేనని.. మహబూబ్‌నగర్‌లో వలసలు లేవని, ఎవరికోసమో సర్వే అపలేమని... ఎస్సీ వర్గీకరణ అంశం వదిలేయాలని'' రహస్య సమావేశంలో అధికారులతో కేసీఆర్ చేసిన వ్యాఖ్యలను ఆయన వినిపించారు.

12 గంటల్లో 4 కోట్ల మంది సమాచారాన్ని ఎలా సేకరిస్తారని ఆయన ప్రశ్నించారు. సేకరణకు వచ్చిన ఎన్యుమరేటర్స్ సమాచారం కోసం బలవంతం చేస్తే కేసులు పెట్టాలని, మాదిగలంతా కెసిఆర్‌ను నిలదీయాలని రేవంత్‌రెడ్డి పిలుపు ఇచ్చారు. సమగ్ర సర్వేకు ఒక్క రోజు ముందు కెసిఆర్ తన కుటుంబ ఆస్తులను వెల్లడించాలని రేవంత్‌రెడ్డి డిమాండ్ చేశారు. కెసిఆర్ తన కుటుంబ ఆస్తులు వెల్లడించరు గానీ ప్రజలు తమ ఆస్తుల వివరాలు వెల్లడించాలా? అంటూ ఆయన ప్రశ్నించారు. ప్రజలు ఇచ్చే సమాచారం దుర్వినియోగం అయితే కెసిఆర్ జైలుకు వెళతారా అని రేవంత్ రెడ్డి ప్రశ్నించారు.

Telugu Desam senior legislator A. Revanth Reddy on Sunday accused Chief Minister K. Chandrasekhar Rao of having a "secret agenda" behind conducting the household survey in Telangana to "drive away" certain people from the state.

Revanth Reddy alleged that at a few meetings held with officials to work out modalities for the survey, the Chief Minister had said that he would work hard to see that people from AP move out of Telangana.

"This means Mr Rao has a set agenda. He wants to create fear among certain sections of people. That is why we suspect there is a hidden agenda behind the household survey," Mr Reddy claimed.