‘‘ఎర్ర’’నేతలకు వాతలు పెడుతున్న దీదీ!

Posted: 08/11/2014 03:13 PM IST

ఇక్కడ ‘‘ఎర్ర’’ నేతలు అంటే కమ్యూనిస్టు పార్టీకి చెందినవారు! ఈ పార్టీ గురించి ప్రత్యేకంగా చెప్పుకోవాల్సిన అవసరం లేదు. కమ్యూనిజం భావజాలంతో మన బారతదేశంలో ఏర్పడ్డ తొలిరాజకీయ పార్టీ ఇది! అన్ని రాష్ట్రాల్లోనూ ఈ పార్టీ తన ప్రతిభను బాగానే చాటుకుంది. ప్రస్తుతం ఇప్పటికీ కొన్ని రాష్ట్రాల్లో దీని హవా కొనసాగుతూనే వుంది. ముఖ్యంగా పశ్చిమ బెంగాల్ రాష్ట్రంలో అయితే ఇది ఒక వెలుగు వెలిగింది. కానీ ఇప్పుడు మాత్రం ఆ రాష్ట్ర సీఎం మమతా బెనర్జీని చూసి ఆ పార్టీ నేతలు ఉలిక్కి పడుతున్నారని సమాచారం! మమతా ఆ ఎర్ర నేతలకు నిద్రలేకుండా వాతలు పెడుతోందని అక్కడ జోరుగా ప్రచారాలు సాగుతున్నాయి.

కోల్ కతా వేదికగా కమ్యూనిస్టు పార్టీకి చెందిన ఏ కార్యక్రమాన్ని నిర్వహించాలనుకున్నా.. దానికి మమతా బెనర్జీ అడ్డుపడుతోందని ఆ నేతలు అభిప్రాయపడుతున్నారు. వచ్చే ఏడాది జరుపతలపెట్టిన సీపీఎం మహాసభల వేదికను కోల్ కతా నుంచి విశాఖకు మార్చాలని నిర్ణయం తీసుకోవడానికే అందుకు నిదర్శనంగా వారు చెబుతున్నారు. గత రెండురోజులపాటు జరిగిన పార్టీ సెంట్రల్ కమిటీ సమావేశాల నేపథ్యంలో వామపక్ష నేతలు మమత వైఖరిపై తీవ్రంగా చర్చించినట్టు తెలుస్తోంది.

తాము మహాసభల తేదీని ప్రకటిస్తే.. ఆ సమయంలోనే మమతా బెనర్జీ కూడా మున్సిపల్ ఎన్నికలను నిర్వహించడం ఖాయమని వారు తెగ భయపడుతున్నారని వెల్లడిస్తున్నారు. గతంలో తమ కార్యక్రమాలకు అనుమతి ఇచ్చినట్టే ఇచ్చి.. చివరి నిముషంలో దానిని నికారించేదని సీపీఎం నేతలు గుర్తు చేసుకుంటున్నారు. తాము చేయబోయే ప్రచారాలుగానీ, కార్యక్రమాలకు గానీ మమతా బెనర్జీ తీవ్రంగా అడ్డుపడుతోందని వారు తమ నిరాశను వ్యక్తం చేస్తున్నారు.

AS