‘‘యాహూ’’.. గూగుల్ గోడ దూకింది!

Posted: 08/08/2014 06:47 PM IST

లోకంలో గుండు కొట్టించుకోనివాడు వున్నాడేమోగానీ... ‘‘గూగుల్’’ తెలియనివాడు ఎవడూ వుండడు. ఒక మనిషి తన జీవితకాలంలో ఏదో ఒక సమయంలో ‘‘యాహూ’’ అనకుండా వుండలేరు. ఇప్పుడు గూగుల్ గోడ దూకిందంటే.. ఏదో పార్టీలోకి జంప్ చేసిందని కాదు.. తనకోసం కొత్త పార్ట్నర్ ని తెచ్చుకుంది. అదే యాహూ! ఇక నుంచి అందరూ ‘‘యాహూ-గూగుల్.. గూగుల్-యాహూ’’ అనాల్సిందే! అంతా మన మంచికే! అయితే ఈ రెండు ఇలా కలుసుకున్నాయి....

ప్రస్తుతకాలంలో నెటిజన్ల ఇంటర్నెట్ లో ఎక్కువ ఉపయోగించింది ఈమెయిల్ వ్యవస్థ. సోషల్ నెట్ వర్కింగ్ సైట్లు ఒకరోజు రన్ చేయకపోయినా నెటిజన్లు వుండగలరు కానీ.. ఈమెయిల్ వ్యవస్థ లేకపోతే మాత్రం వుండలేరు. ఎందుకంటే.. ఇది కేవలం చాటింగ్ చేసుకోవడానికి మాత్రమే కాదు... సంస్థలు తమకు సంబంధించిన కొన్ని సీక్రెట్ విషయాలను చర్చించుకోవడానికి వీలుగా వుంటుంది. దాదాపు ప్రపంచంలో వున్న ప్రముఖ కంపెనీలన్నీ ఈ ఈమెయిల్ వ్యవస్థ ద్వారా సంభాషణలు నడుపుతుంటాయి. ఈ సౌకర్యం లేకపోతే ఆరోజు కార్యక్రమాలన్నీ ఆగిపోవాల్సిందే! అంత బిజీగా రన్ అవుతుంటుంది  ఈ ఈమెయిల్ వ్యవస్థ!

అటువంటి ఈమెయిల్ వ్యవస్థను మరింత సురక్షితంగా తయారుచేయడానికే గూగుల్ - యాహూ సంస్థలు చేతులు కలుపుతున్నాయి. ఈ రెండు సంస్థలు సంయుక్తంగా కలిసి రూపొందిస్తున్న ఈ కొత్త ఈమెయిల్ సర్వీసును హ్యాకర్లుగానీ, అటు ప్రభుత్వాలు సైతం ఛేధించలేనంత దుర్భేద్యంగా వుంటుందని యాహూ పేర్కొంది. గతంలో కొంతమంది హ్యాకర్లు వేలాది ఈమెయిళ్లను హ్యాక్ చేశారని.. కొన్ని కోట్లమేర డబ్బులను తమ ఖాతాల్లో జమ చేసుకున్నారని సదరు సంస్థలు పేర్కొంటున్నాయి. అయితే అలా జరగకుండా వుండటం కోసమే తాము ఈ పద్ధతిని ప్రవేశపెడుతున్నట్టు అవి పేర్కొన్నాయి.

ఇటీవలే కాలంలో అమెరికా నిఘా సంస్థలు ఎవరి అనుమతి లేకుండానే కొన్ని వేలాది ప్రైవేటు మెయిళ్లను పరశీలించినట్లు ప్రజావేగు ఎడ్వర్డ్ స్నోడెన్ ప్రపంచడానికి వెల్లడించడం జరిగింది. దీంతో ఈ విషయాన్ని తీవ్రంగా ఆలోచించిన నేపథ్యంలో ఈమెయిల్ సర్వీసుకు మరింత భద్రత కల్పించేందుకు యాహూ - గూగుల్ ఇలా చేతులు కలపాల్పి వచ్చిందని అవి స్పష్టం చేశాయి. అయితే ఒక చిన్న బ్యాడ్ న్యూస్! ఈ ప్రాజెక్టు పూర్తి అవ్వడానికి ఒక సంవత్సరం పడుతుందని ఆ సంస్థలు పేర్కొంటున్నాయి. అంటే వచ్చే ఏడాది నుంచి ఈ కొత్త ఈమెయిల్ సంస్థ అమలులోకి వస్తుందని అవి వెల్లడించాయి.

AS