పాఠశాలలో నిద్రపోయిన డిప్యూటీ సీఎం!

Posted: 08/08/2014 12:40 PM IST

Telangana deputy cm doctor rajaiah slept in government school

అందరి తీరు ఒకరకంగా ఉంటే.. తెలంగాణ రాష్ట్ర ఉప ముఖ్యమంత్రి డాక్టర్ టీ రాజయ్య తీరు మరోలా ఉంది. తెలంగాణ నేతలు ఆంద్రనేతలపై విమర్శలు చేస్తూ బిజీ బిజీగా ఉంటే? ఉప ముఖ్యమంత్రి రాజయ్య మాత్రం తన మంత్రి పదవి న్యాయం చేస్తూన్నాడు. నిజాయితీగా ప్రజల వద్ద పాలన అందిస్తున్నాడు. అంతేకాదు.. అవసరమైతే.. విద్యార్థిగా మారిపోయాడు. అంటే డాక్టర్ కాస్త హాస్టల్ విద్యార్థిగా మారిపోయాడు. ఏసీ గదులు వదిలి పెట్టి కటిక నేల పై రాజయ్య ఒక రాత్రి నిద్రపోయాడు.

వరంగల్ జిల్లా మహబూబాబాద్ మండలంలోని రెడ్యాల గిరిజన బాలుర ఆశ్రమ పాఠశాలలో డిప్యూటీ సీఎం రాజయ్య నిద్రించారు. విద్యార్థులతో మమేకమై బాగోగులు అడిగి తెలుసుకున్నారు. ఆశ్రమ పాఠశాలలో అదనపు తరగతి గదులను ప్రారంభించారు. హెచ్‌ఎం రమేశ్ అధ్యక్షతన నిర్వహించిన సమావేశంలో రాజయ్య మాట్లాడారు. తల్లిదండ్రులు గర్వించేస్థాయికి విద్యార్థులు ఎదగాలని కోరారు.

ఉపాధ్యాయులు విధులను సక్రమంగా నిర్వర్తిస్తూ విద్యార్థులకు మార్గదర్శనం చేయాలని సూచించారు. ఎస్టీల సమగ్రాభివృద్ధికి ప్రభుత్వం చిత్తశుద్ధితో కృషి చేస్తున్నదని, వారికి 12 శాతం రిజర్వేషన్లు, తండాలను గ్రామపంచాయతీలుగా తీర్చిదిద్దుతున్నామని తెలిపారు.