భారతీయ జంటకు కోట్లు కురిపిస్తున్న చపాతీ?

Posted: 08/07/2014 05:52 PM IST

World first indian couple s chapati making robot a hit in us

కష్టపడితే ఫలితం దక్కుతుందని భారతీయ జంట పరాయి దేశంలో నిరూపించారు. చపాతీ తోనే వారు చరిత్రకెక్కారు. వారు చేసిన చపాతీ ఇప్పుడు భారతీయ జంటకు కోట్ల రూపాయలు కురిపిస్తున్నాయి. సింగపూర్ లో నివాసముండే భారత దంపతులు రిషి ఇస్రాని, ప్రణోతి ఓ అద్భుతం చేశారు. వారు తయారుచేసిన రోబో నిమిషానికో చపాతీ తయారు చేయగలదు. ఆ రోబో పేరు రోటీమేటిక్.

అయితే, ఈ మరమనిషిని అభివృద్ధి చేసేందుకు వీరికి ఆరేళ్ళు పట్టింది. కాగా, ఈ రోబోకు అమెరికా నుంచి ఆర్డర్లు వెల్లువెత్తాయి. ఇప్పటివరకు రిషి దంపతులు రూ.24 కోట్ల విలువైన ఆర్డర్లు దక్కించుకున్నారు. ఈ రోటీమేటిక్ ద్వారా మనక్కావాల్సిన విధంగా చపాతీ తయారు చేయించుకోవచ్చు. అంటే, రొట్టె మందంగా ఉండాలో, పల్చగా ఉండాలో మనమే సెట్ చేయవచ్చు. ఇక, ఎంత నూనె వేయాలో, రొట్టెకు ఏ పిండి వాడాలో కూడా పలు సెట్టింగ్స్ ద్వారా నిర్ణయించవచ్చు.

అమెరికా మార్కెట్లో దీని విలువను రూ.36,700గా నిర్ణయించారు. రోటీమేటిక్ వచ్చే ఏడాది అక్కడి విపణిలో లభ్యమయ్యే అవకాశముంది. ఇస్రాని ఓ ఔత్సాహిక పారిశ్రామికవేత్త కాగా, ప్రణోతి మెకానికల్ ఇంజినీరింగ్, ప్రొడక్ట్ డిజైనింగ్ లో నిపుణురాలు.