ఆ దేశాల అమ్మాయిలు పెళ్లికి పనికిరారా?

Posted: 08/07/2014 08:57 AM IST

Saudi arabian men cant marry women from four countries

అ నాలుగు దేశాల్లో పుట్టిన అమ్మాయిలు పెళ్లి పనికిరారా? అనే సందేహం అందరికి కలుగుతుంది. కానీ ఒక దేశం అబ్బాయిలకు.. కొత్త షరతులు పెట్టింది. ఎట్టి పరిస్థిత్తుల్లో ఆ నాలుగుదేశాల అమ్మాయిలను పెళ్లి చేసుకోవద్దని ఒక జీవో జారీ చేసింది. ఇంతకీ అసలు విషయం ఏమిటంటే? పాకిస్థాన్, బంగ్లాదేశ్, చాద్, మయన్మార్.. ఈ నాలుగు దేశాల అమ్మాయిలను పెళ్లిచేసుకోవద్దని సౌదీ అరేబియా అబ్బాయిలకు ఆ దేశం ఆంక్షలు విధించింది. బహిష్కృతులను సౌదీ పురుషులు పెళ్లిచేసుకోవద్దన్న నిబంధనల్లో భాగంగా ఈ ప్రకటన వెలువడినట్టు తెలుస్తోంది.

ఇతర దేశాల నుంచి వలసవచ్చి సౌదీలో నివసించేవారిని స్థానికంగా బహిష్కృతులుగా పేర్కొంటారు. సౌదీలో పాకిస్థాన్, బంగ్లాదేవ్, చాద్, మయన్మార్ దేశాలకు చెందినవారే ఎక్కువగా ఉన్నారు. అందులో ఆ నాలుగుదేశాలకు చెందిన అమ్మాయిలు ఐదులక్షల మంది ఉంటారని ఓ అంచనా. నిబంధనల్లో భాగంగా ఆ అమ్మాయిలను మనువాడరాదని పోలీసులు తేల్చిచెప్పారు.

పెళ్లికి సంబంధించిన నిబంధనలు ఈ మధ్య సౌదీలో మరింత కఠినతరం చేశారు. విదేశీ మహిళలను పెళ్లిచేసుకునేందుకు తప్పనిసరిగా అనుమతి స్వీకరించాల్సి ఉంటుందని పోలీసులు అంటున్నారు. పెళ్లికి దరఖాస్తు చేసుకునేవారి వయసు 25ఏండ్లు నిండి ఉండాలి. పైగా స్థానిక అధికారుల నుంచి అనుమతి పత్రాలు కూడా జతచేయాలి. అయితే ఈ ఆంక్షలపై ప్రభుత్వం నుంచి అధికారికంగా ప్రకటన మాత్రం వెలువడలేదు!