మోడీ తండ్రి అయ్యాడు..?

Posted: 08/06/2014 03:44 PM IST

అవును... మీరు వింటున్నది నిజమే! నరేంద్రమోడీ తన వ్యక్తిగత జీవితం గురించి ఇన్నాళ్లవరకు బయటపెట్టలేదు కానీ.. తాజాగా ఈయన తండ్రి అయ్యాడంటూ వార్తలు జోరుగా వినిపిస్తున్నాయి. నిన్నమొన్నటిదాకా నేనింకా బ్రహ్మచారినేనంటూ ప్రచారాలు చేసుకున్న నరేంద్రమోడీ.. ఇటీవలే జరిగిన సార్వత్రిక ఎన్నికల నేపథ్యంలో తన వివాహబంధం గురించి, తన భార్య గురించి కొన్ని విషయాలను బహిర్గతం చేశాడు. కానీ వారిద్దరి మధ్య వివాహ బంధం కేవలం కొన్నికాలాలకే పరిమితం కావడంతో వీరికి సంతానం కలుగలేదు. కానీ ఇప్పుడు నరేంద్రమోడీకి ఒక కొడుకు వున్నాడంటూ పుకార్ల మీద పుకార్లు షికార్లు చేస్తూ తిరుగుతున్నాయి.

అతని పేరు జీత్! నిన్నమొన్నటివరకు ఈ అబ్బయి ఎవరనే విషయం తెలియదు కానీ.. ఇప్పుడు వార్తల్లో తిరుగుతూ హీరో అయిపోయాడు. ప్రస్తుతం ఈ అబ్బాయే నరేంద్రమోడీ కొడుకు అంటూ జోరుగా ప్రచారాలు సాగుతున్నాయి. కానీ ఇతను మోడీ కొడుకులాంటివాడే కానీ ఆయన కొడుకు మాత్రం కాడు. అసలు జరిగిన విషయం ఏమిటంటే.. ఎప్పుడో చిన్నప్పుడు తన అన్నయ్యతో కలిసి నేపాల్ నుంచి ఇండియాకు వచ్చిన జీత్ అనే అబ్బాయి.. కొన్నాళ్ల తరువాత తిరిగి నేపాల్ కు వెళ్లిపోయే క్రమంలో పొరపాటున వేరొక ట్రెయిన్ ఎక్కేశాడు. అదే అతనికి అదృష్టంగా మారింది. ఆ ట్రెయిన్ నేరుగా గుజరాత్ కు చేరుకుంది. అతని అదృష్టమే అతనిని నరేంద్రమోడీ దృష్టిలో పడేలా చేసింది. ఇక అంతే సంగతులు!

అప్పుడు దొరికిన జీత్ ను నరేంద్రమోడీ పెంచి, పెద్దచేసి విద్యాబుద్ధులన్ని నేర్పించాడు. తన సొంత కొడుకు కాకపోయినా ఒక తండ్రిలా అతని ఆలనాపాలనా చూసుకుంటూ తనకాళ్ల మీద తాను స్వయంగా నిలబడేలా చేశాడు. చివరికి మోడీ తన నేపాల్ పర్యటనలో భాగంగా అతనిని తన కుటుంబం చెంతకు చేర్చాడు. ఇది నరేంద్రమోడీలో దాగివున్న నిజమైన మానవత్వం! దీంతో మొన్నటివరకు బాహ్యప్రపంచానికి తెలియని ఆ అబ్బాయి కూడా నేడు హీరోగా అవతారమెత్తాడు. ఇటు భారత్, నేపాల్ దేశాల్లో సెలబ్రిటీగా మారిపోయాడు. తండ్రిలాంటి మోడీ దగ్గర పెరిగిన కొడుకు జీత్ అంటూ అతని గురించి వార్తాసారాంశాలు కూడా వచ్చేశాయి.

AS