సమంతా: నేను పారితోషికం పెంచలేదు!

Posted: 08/02/2014 03:30 PM IST

సమంతా నటించిన చిత్రం అల్లుడు శీను. వి.వి.వినాయక్ దర్శకత్వంలో బెల్లంకొండ శ్రీనివాస్ హీరోగా పరిచయమైన ఈ సినిమా ఇటీవలే ప్రేక్షకుల ముందుకొచ్చింది. ఈ సందర్భంగా ఏర్పాటు చేసిన పాత్రికేయుల సమావేశంలో సమంతా "బెల్లంకొండ సురేష్‌గారితో ఉన్న అనుబంధం వల్ల అల్లుడు శీను చేశాను. పారితోషికం పెంచానని ప్రచారం జరుగుతోంది. ఈ ఏడాది నాకు మూడు విజయాలు దక్కాయి. అయినా నా పారితోషికాన్ని పెంచలేదు" అని స్పందించింది.

మరిన్ని విశేషాలు తెలియజేస్తూ అల్లుడు శీను చిత్రానికి అన్ని వర్గాల ప్రేక్షకుల నుంచి విశేష స్పందన లభిస్తోంది. ఈ స్థాయి స్పందన లభిస్తుందని ఊహించలేదు. తొలి చిత్రమైనా శ్రీనివాస్ చాలా చక్కగా నటించాడు అన్నారు.

తమిళంలో నేను ఇంకా పెద్ద స్టార్‌ను కాలేదు. అంజాన్, కత్తి చిత్రాలతో అక్కడ నాకు మంచి బ్రేక్ లభిస్తుందనుకుంటున్నాను. నేను నటించిన రభస, సికిందర్‌ఒకే రోజు విడుదల కాబోతున్నాయి. తమిళ చిత్రాల్లో నటించినా తెలుగు చిత్రాలకే నా తొలి ప్రాధాన్యత. ఇటీవల విడుదలైన బెంగళూర్ డేస్ చిత్రం నాకు బాగా నచ్చింది. అయితే ఈ సినిమా తెలుగు రీమేక్‌కు నేనింకా సైన్ చేయలేదు అన్నారు.