సినీ బజ్: 12 ఏళ్ల నిరీక్షణ ‘సికిందర్‌’ - సూర్య

Posted: 08/01/2014 08:37 AM IST

లింగుస్వామి దర్శకత్వంలో సూర్య, సమంత జంటగా నటించిన 'సికిందర్‌' ఆగస్టు 15న విడుదల కానుంది. ఈ సందర్భంగా సూర్య మాట్లాడుతూ ''లింగుస్వామితో మా తమ్ముడు కార్తి 'ఆవారా' చేశాడు. ఈ డైరక్టర్‌తో షూటింగ్‌ చేస్తే మంచి ట్రిప్‌కి వెళ్లొచ్చిన ఫీలింగ్‌ ఉంటుందని చెప్పాడు. నాక్కూడా అచ్చం అలాగే అనిపించింది. మామూలుగా హీరోల దర్శకులు, నిర్మాతల దర్శకులు ఉంటారు. కానీ, లింగుస్వామి ఆడియన్స్‌ డైరక్టర్‌. తన మెమరీ పవర్‌ అమేజింగ్‌. ప్రతి సినిమాలోనూ, ప్రతి సన్నివేశంలోనూ ఏదో మేజి క్‌ చేస్తాడు. రెగ్యులర్‌ సినిమాను కూడా ఆయన చెప్పే స్టైల్‌, చూపించే విధానం కొత్తగా ఉంటుంది. నేను ఇందులో కృష్ణ, రాజుభాయ్‌ అని రెండు పాత్రలు చేశాను. ముంబై నేపథ్యంలో కథ జరుగుతుంది. సంతోష్‌శివన్‌ కెమెరా పనితనం, యువన్‌ సంగీతం హైలైట్‌ అవుతాయి.

''నేను, లింగుస్వామి సార్‌ కలిసి 2001లో ఓ సినిమా చేయాలనుకున్నాం. కానీ కుదరలేదు. ఆ తర్వాత 'పందెం కోడి' స్ర్కిప్ట్‌ చేయాల్సింది. అప్పుడు నేను 'నంద', 'గజిని' సినిమాలతో బిజీ. మరలా మిస్‌ అయింది. ఇప్పటికి కుదిరింది.

సమంత, విద్యుత్‌ జమ్వాల్‌, బ్రహ్మానందంగారు ఇలా మంచి టీమ్‌ కుదిరింది. సినిమాలో ప్రతి 15-20 నిమిషాలకు ఒక ట్విస్ట్‌ ఉంటుంది. అసలు ఎవరూ ఊహించని ఆ ట్విస్ట్‌లు విని నేను బాగా ఎంజాయ్‌ చేశాను.

కంగనారనౌత్‌కు Italian Luck:

బాలీవుడ్ భామ కంగనారనౌత్‌కు లక్ కలిసొచ్చినట్లే ఉంది. ఇర్ఫాన్‌ఖాన్ సరసన ఫ్రెంచి సినిమాకు సైన్ చేసిన కొద్దిరోజులకే, ఆమెకు ఇటలీ నుంచీ ఆఫర్ వచ్చింది. ఇటలీ దర్శకుడు ఎడ్వర్డో డీ ఏంజెలిస్ ఆమెకు తన చిత్రంలో కీలక పాత్రను ఆఫర్ చేశాడు. ఇటలీ స్టార్ మాసిమిలానోగాలో సరసన నటించే అవకాశంపై కంగనా ఇంకా తన నిర్ణయాన్ని ప్రకటించలేదు.