చీర నుంచి బికినీ వేసుకున్నట్టు...

Posted: 07/30/2014 06:15 PM IST

Crocodile came in to bathroom from the lake

ఒకప్పుడు సినిమాల్లో హీరోయిన్ చీర కట్టుకునే స్థాయి నుంచి నేడు బికినీలు వేసుకునే పరిస్థితికి చేరుకున్న విషయం మనం కళ్లారా వీక్షిస్తున్న విషయం తెలిసిందే! అయితే ఇది వేరే విషయం! తాజాగా ‘‘చీర’’లాంటి సరస్సులో వుండాల్సిన ఒక ప్రాణహాని జంతువు ‘‘బికినీ’’ సైజులో వుండే బాత్రూంలోకి దూరి హల్ చల్ చేసింది. ఇంతవరకు అర్థం కావడం లేదు కదూ! అయితే అసలు విషయానికి వచ్చేద్దాం..!

గుజరాత్ రాష్ట్రంలోని ఆనంద్ జిల్లా సోజిత్రా పట్టణంలో భరత్ పటేల్ అనే ఒక వ్యక్తి నివాసం ఏర్పరుచుకున్నాడు. అతను స్నానం చేయడానికని బాత్ తలుపులు తీసేసరికి అందులో ఐదడుగుల పొడవున్న ఒక మొసలి కనిపించింది. దీంతో కుటుంబం మొత్తం ఒకేసారి షాక్ కు గురయ్యారు. సరస్సులో వుండాల్సిన మొసలి మన ఇంటి బాత్ రూంలోకి ఎలా వచ్చిందా అని గోళ్లు కొరుక్కుంటూ బయటికి పరుగులు తీశారు. అయితే పరిగెత్తేముందు ఆ బాత్ రూంకు తాళం వేసేశారు.

బయటికి వచ్చిన అనంతరం ఇరుగుపొరుగున్న వున్నవారికి జరిగిన విషయం గురించి మొత్తం వివరించారు. దీంతో అక్కడున్న మిగతా నివాసులు వెంటనే పోలీసులకు, అటవీశాఖ అధికారులకు ఫోన్ చేసి పిలిచారు. సమాచారం అందుకున్న అటవీశాఖ అధికారులు సదరు ప్రాంతానికి వచ్చి.. ఆ మొసలిని బోనులో బంధించారు. అనంతరం దానికి అక్కడి నుంచి తరలించి అదే జిల్లాలోని మలాతాజ్ గ్రామ సమీపంలో వుండే సరస్సులో వదిలేశారు. దీంతో కుటుంబసభ్యులు ‘‘హమ్మయ్యా’’ అంటూ సేద తీర్చుకున్నారు.