నిత్యానందునికి మగాడి టెస్టులు!

Posted: 07/17/2014 12:47 PM IST

(Image source from: karntaka high court rejects appeal of nityananda swamy and orders to make medical test for him)

వివాదాస్పద ఆధ్యాత్మిక గురువు అయిన నిత్యానందస్వామి... ఈసారి అడ్డంగా దొరికిపోయాడు. నిత్యానందునికి వెంటనే పురుషత్వ పరీక్షలు నిర్వహించాలని హైకోర్టు ఆదేశాలు జారీ చేసింది. గతంలో రామనగర్ సెషన్స్ కోర్టు ఇచ్చిన ఆదేశాలపై వున్న స్టేను ఎత్తివేసిన హైకోర్టు.. ఈనెల 28వ తేదీన నిత్యానందునుని అదుపులోకి తీసుకుని వెంటనే పురుషత్వ పరీక్షలు నిర్వహించాల్సిందిగా పోలీసులకు ఆదేశించింది.

గతంలో నిత్యానందునికి, సినీ నటి రంజితతో శారీరక సంబంధాలున్నాయన వార్తలు దేశంమొత్తం మీద పెద్దదుమారం రేగిన సంగతి తెలిసిందే! అలాగే నిత్యానందుడు తనను శారీరకంగా వేధిస్తున్నాడని, చాలాసార్లు అత్యాచారానికి పాల్పడ్డాడని తన మాజీ శిష్యురాలు ఒకరు పోలీసులకు ఫిర్యాదు చేసింది. దీంతో కేసు నమోదు చేసుకున్న పోలీసులు వెంటనే నిత్యానందుని కోసం గాలింపు చేపట్టారు. అయితే అతను మాత్రం దొరకకుండా తెలివిగా పరుగులు తీశాడు. దీంతో ఇతని కేసు కోర్టుకు ఎక్కింది. కేసును విచారించిన రామనగర్ సెషన్స్ కోర్టు... వెంటనే నిత్యానందునుని అరెస్టు చేసి, అతనికి పురుషత్వ పరీక్షలు చేయాల్సిందిగా ఆదేశించింది.

అయితే ఈ వ్యవహారంలో నిత్యానందుడు తనను లైంగిక వేధింపుల కేసు నుంచి విముక్తి కల్పించాల్సిందిగా కోరుతూ కోర్టుకు అప్పీల్ చేసుకున్నాడు. అందులో తాను బాలుడితో సమానమని, తనలో సెక్స్ సామర్థ్యాలు అస్సలు లేవని కోర్టుకు చెప్పుకున్నాడు. ఇతని వాదనను విన్న కోర్టు పురుషత్వ పరీక్షలపై స్టే విధించింది. ఈ కేసు గత రెండు సంవత్సరాల నుంచి పెండింగులోనే వుంది.

ప్రస్తుతం ఈ విషయానికి సంబంధించి విచారించిన హైకోర్టు.. స్టేను ఎత్తివేసింది. వెంటనే నిత్యను అరెస్టు చేసి పురుషత్వ పరీక్షలు చేయాల్సిందిగా ఆదేశించింది. ఇందులో భాగంగానే నిత్యానందుని తరఫున లాయర్ వాదిస్తూ... నిత్యానందుడు లొంగిపోవడానికి కనీసం ఒక వారంరోజుల వరకు గడువు ఇవ్వాల్సిందిగా కోరాడు. ఒకవేళ్ల అప్పట్లో లొంగకపోతే అతనిని అరెస్టు చేసుకోవచ్చునని వెల్లడించాడు. అయితే ఈ అప్పీల్ ను కూడా హైకోర్టు కొట్టివేస్తూ... ఆదేశాలు జారీ చేసింది. దీంతో పోలీసులు నిత్యానందునుని అరెస్టు చేసేకుని రంగం సిద్ధం చేసుకుని, వేటలో మునిగిపోయారు.