ఫేస్ బుక్ స్నేహం ప్రాణం తీసింది!

Posted: 07/16/2014 09:19 AM IST

పరిచయం కోసం ఫేస్ బుక్ ఓపెన్ చేస్తే.. ప్రాణం తీసింది! కుటుంబ సభ్యులు ఆవేదన వ్యక్తం చేస్తున్నారు. ఫేస్ బుక్ మా కుటుంబం లో చీకటి పేజీలు నింపిందని ఆ విద్యార్థిని తల్లిదండ్రులు అల్లాడిపోతున్నారు. కేవలం నాలుగు రోజుల ఫేస్ బుక్ స్నేహమే.. అమ్మాయి ప్రాణాలు తీసిందని ఆమె స్నేహితులు అంటున్నారు. ఇంతకీ అసలు విషయం ఏమిటంటే..! గుంటూరుకు చెందిన సూరజ్ సింగ్ తో ఈనెల 11న ఫేస్ బుక్ ద్వారా స్వాతికి పరిచయమేర్పడింది.

స్నేహితులుగా మారిన వీరు 12న ఛాటింగ్ లో ఫోన్ నెంబర్లు తెలుసుకున్నారు. స్వాతి ట్రిపుల్ ఐటీలో ద్వితీయ సంవత్సరంలో చేరేందుకు తల్లితో కలిసి గుంటూరు వచ్చింది. అక్కడ నుంచి స్నేహితులతో వెళతానని స్వాతి చెప్పడంతో మధ్యాహ్నం 2.30కు బస్టాండు వద్ద కుమార్తెను వదిలి తల్లి వెళ్లిపోయింది. రాత్రి 8.30 సమయంలో ఇద్దరూ గుంటూరు నుంచి మోటార్ సైకిల్ పై నూజివీడు బయలుదేరారు.

త్రిపుల్ ఐటీకి చేరుకునేసరికి రాత్రి 12.30 గంటలయింది. ఆ సమయంలో హాస్టల్ యాజమాన్యం లోపలికి అనుమతించేందుకు నిరాకరించడంతో వీరు తిరిగి గుంటూరు ప్రయాణమయ్యారు. చినకాకాని వద్దకు వచ్చేసరికి రాత్రి 2.40 గంటల ప్రాంతంలో స్వాతి చున్నీ మోటారు సైకిల్ వెనుక చక్రంలో ఇరుక్కుపోయింది. దీంతో ఆమె అదుపు తప్పి మోటార్ సైకిల్ పైనుంచి కిందకు పడిపోయింది. తలకు బలంగా దెబ్బ తగిలి అక్కడికక్కడే మృతి చెందింది.

చిలకలూరిపేటకు చెందిన పినిపే సంధ్యారాణి కుమార్తె స్వాతి. సంధ్యారాణి భర్త మాజీ సైనికోద్యోగి. ఆయన కొంతకాలం క్రితం మృతి చెందారు. భర్త పింఛను ఆధారంగా స్వాతిని సంధ్యారాణి నూజివీడు ట్రిపుల్ ఐటీలో చదివిస్తున్నారు. ఇటీవల రెండో సెమిస్టరు పరీక్షలు పూర్తయ్యాక స్వాతి సెలవులకు వచ్చి ఇంటి వద్దనే ఉంది. ఇంతలోనే ఫేస్ బుక్ ప స్నేహితుడి కోసం వెళ్లి.. ఇలా తిరిగిరాని లోకలు వెళ్లిపోయిందని కుటుంబ సభ్యులు అంటున్నారు.

RS