అతిగా ఆశించకండన్న ఆర్థిక మంత్రి

Posted: 07/10/2014 11:59 AM IST

ఈ సారి కేంద్ర బడ్జెట్ సమగ్ర కార్యాచరణ ప్రణాళికతో తయారైందని, ఇందులో ఏదో పెను మార్పులు ఉంటాయని మాత్రం ఆశించవద్దని కేంద్ర ఆర్థిక మంత్రి అరుణ్ జైట్లీ తన బడ్జెట్ ప్రసంగంలో ముందుగా తెలియజేసారు.  దేశంలో ప్రస్తుతమున్న ద్రవ్యలోటు ప్రభుత్వానికి సవాలేనని అంగీకరించిన అరుణ్ జైట్లీ, ద్రవ్యలోటును 4.1 శాతానికి పరిమితం చేస్తామని మాటిచ్చారు.  బ్యాంకింగ్ రంగాన్ని బలోపేతం చేస్తామని, పేదరిక నిర్మూలనకే పెద్దపీట వేస్తామని జైట్లీ అన్నారు.

ఆంధ్రప్రదేశ్ కి ఎయిమ్స్ కేంద్ర బడ్జెట్ లో ప్రకటన

ఆంధ్రప్రదేశ్ లో ఎయిమ్స్, ఐఐటి, వ్యవసాయ విశ్వవిద్యాలయాల కేటాయింపు జరిగినట్లుగా కేంద్ర ఆర్థిక మంత్రి అరుణ్ జైట్లీ లోక్ సభలో ప్రకటించారు.  ఎయిమ్స్ స్థాపనకు కేంద్రం కేటాయించిన నిధులు రూ.500 కోట్లు.  

ఆర్థిక స్థిరత్వమే పురోగతికి పునాది అని అరుణ్ జైట్లీ అన్నారు.  ఈ బడ్జెట్ కేవలం మొదటి అడుగు మాత్రమేనని, దీనితోనే ఆర్థిక రంగంలో పెను మార్పులు సంభవిస్తాయని అతిగా ఆశించవద్దని ఆయన అన్నారు.

-శ్రీజ