బాబు ఇక్కడ ఎర్ర చందనం అమ్మబడును!

Posted: 07/07/2014 09:42 AM IST

Tenders will be called for red sandalwood logs in state says ap minister bojjala gopalakrishna redd

ఆంద్రప్రదేశ్ ప్రభుత్వం కొత్త వివాదానికి తెరలేపింది. ఇప్పటి వరకు ఎర్ర చందనం స్మగ్లింగ్ అవుతుందని అందరికి తెలుసు. కానీ ఇక నుండి.. ఎర్ర చందనం స్మగ్లింగ్ జరగకుండా.. ప్రభుత్వమే.. దానిని అమ్మటానికి నిర్ణయించింది. ఎర్ర చందనం అమ్మిన డబ్బులతో.. ఆంద్రప్రదేశ్ రాష్ట్ర అభివృద్ది పనులు చేయటానికి ఉపయోగపడుతుందనే ఉద్దేశంలో.. ఎర్ర చందనం అమ్మకాలకు చంద్రబాబు తెర లేపారు.

రాష్ట్ర వ్యాప్తంగా అటవీశాఖ గిడ్డంగులోని ఎర్రచందనం నిలువలను వేలం వేయడానికి 15 రోజుల్లో గ్లోబల్ టెండర్లు ఆహ్వానిస్తామని ఆంధ్రప్రదేశ్ అటవీశాఖ మంత్రి బొజ్జల గోపాలకృష్ణారెడ్డి పేర్కొన్నారు. కపిలతీర్థం డిపోలో రెడ్ సాండిల్ నిలువలను మంత్రి పరిశీలించారు.

ఇటీవల శ్రీకాళహస్తి, బాకాలపేట, తిరుపతి గిడ్డంగుల నుంచి 10 టన్నుల దుంగలు చోరికి యత్నం కావడంతో ఆయన ఆగ్రహం వ్యక్తం చేశారు. ఈ ఘటనకు బాధ్యులైన ముగ్గురు అటవి సిబ్బందిని సస్పెండ్ చేసినట్లు బొజ్జల తెలిపారు. వన్య ప్రాణులను వేటాడితే కఠిన చర్యలు తీసుకుంటామని ఆయన హెచ్చరించారు.