రేటు పెంచి-రిక్వెస్ట్ చేస్తున్న డబ్బా వాలాలు?

Posted: 07/02/2014 05:08 PM IST

డబ్బా వాలాలు రేటు పెంచి రిక్వెస్ట్ చేస్తున్నారు. ప్రస్తుతం దేశ వ్యాప్తంగా నిత్యావసర సరుకులతో పాటు అన్ని ధరలు పెరిగాయని దీంతో తమకు వేరే మార్గం లేదని డబ్బా వాలాలు చెబుతున్నారు. తమ డెలివరీ కాస్ట్ ను రూ.100కు పెంచుతూ నిర్ణయం తీసుకున్నట్లు ప్రకటించి జరిగింది. తమ నిర్ణయానికి కస్టమర్లు సహకరించాలని వారు కోరుతున్నామని, ముంబాయి వాసులంతా తమకు అండగా నిలవాలని రిక్వెస్ట్ చేయటం చాలా ఆశ్చర్యంగా ఉంది.

125 ఏళ్ల చరిత్ర ఉన్న డబ్బా వాలాలు ఇటీవల కాలంలో ఆత్మహత్యలు చేసుకుంటున్నారు. దానికి కారణం వారు కష్టపడి దాని తగిన ఫలితం దక్కకపోవటంతో వారు ఆత్మహత్యలు చేసుకున్నట్లు సమాచారం. దీంతో తమ డబ్బా వాలాలూ ఆత్మహత్యలు చేసుకోకుండా ఉండేందుకు…ప్రస్తుతం ఉన్న సంక్షోభం నుంచి వారు బయట పడేందుకే ఈ నిర్ణయం తీసుకున్నామని డబ్బా వాలాల అసోసియేషన్ మాజీ ప్రెసిడెంట్ రఘనాథ్ మెడ్గే చెప్తున్నారు.

ప్రస్తుతం ట్రాన్స్ పోర్టుతో పాటు అన్ని రకాల ధరలు పెరిగాయని..డబ్బా వాలాల కనీస జీవితం గడవాలంటే ఇలాంటి నిర్ణయం తీసుకోక తప్పడం లేదన్నారు మెడ్గే. ఇక నుంచి ప్రతి ఏడాది తమ కాస్ట్ కొంచెం కొంచెం పెరుగుతోందన్నారు.
గత 125ఏళ్లుగా డబ్బావాలా వ్యాపారం సాగుతోందని…రోజుకు లక్షల మందికి లంచ్ బాక్సులు ట్రాన్స్ పోర్టు జరుగుతోందని ఆయన తెలిపారు. 5వేల మంది డబ్బాల వాలాల జీవితం సాఫీగా సాగేందుకు ఇలాంటి నిర్ణయం తీసుకున్నామని..ప్రజలే అర్ధం చేసుకోవాలని కోరుతున్నామన్నారు మెడ్గే.

డబ్బా వాలాలు తీసుకెళ్తే లంచ్ బాక్సులు ఎప్పుడూ మిస్ కావు..కరెక్ట్ గా ఎవరి లంచ్ బాక్స్ వారికే ఇస్తుంటారు. 80లక్షల లంచ్ బాక్సుల్లో ఒక్కటో,రెండో మిస్ అవుతాయంట. ఈ బిజినెస్ కి దేశ వ్యాప్తంగా ఫ్యాన్స్ ఉన్నారు. విదేశాలకు చెందిన ప్రిన్స్ ఛార్లెస్, రిచర్డ్ బ్రాన్సన్ కూడా డబ్బా వాలాల బిజినెస్ కు అభిమానులే. గ్లోబల్ బిజినెస్ స్కూళ్లలో డబ్బా వాలాల ఆపరేషన్లు గురించి సబ్జెక్టు కూడా ఉంది.