సిఎమ్, పిఎమ్, గవర్నర్ శ్రీహరికోటలో!

Posted: 06/29/2014 05:25 PM IST

Pm ap cm governor to watch pslv launch at sriharikota

ఆంధ్రప్రదేశ్ ముఖ్యమంత్రి చంద్రబాబు, గవర్నర్ ఇఎస్ఎల్ నరసింహన్ ఇప్పటికే శ్రీహరికోటలోని షార్ కి చేరుకున్నారు. చంద్రయాన్ అతిథి గృహంలో వారు బస చెయ్యనున్నారు. ప్రధాన మంత్రి నరేంద్ర మోదీ కూడా ఉదయం 3.55 ప్రాంతంలో శ్రీహరి కోటకు చేరుకుని రేపు ఉదయం జరగబోయే పిఎస్ఎల్ వి ప్రయోగ ప్రత్యక్ష వీక్షణం చేస్తారు.

శ్రీహరికోటలోని సతీష్ ధవన్ స్పేస్ సెంటర్ (షార్) నుంచి రేపు ఉదయం ఇండియన్ స్పేస్ రిసెర్చ ఆర్గనైజేషన్ (ఇస్రో) నుంచి పిఎస్ఎల్ వి సి 23 ఫ్రాన్స్, జర్మనీ, కెనడా, సింగపూర్ దేశాలకు చెందిన ఉపగ్రహాలను అంతరిక్షంలోకి మోసుకెళ్తుంది.

పోలార్ శాటిలైట్ లాంచ్ వెహికిల్ (పిఎస్ఎల్ వి) ఒకేసారి ప్రయోగించబడే వాహనం. అది ఉపగ్రహాలను అంతరిక్షంలో ప్రవేశపెట్టటానికి ఉపయోగపడుతుంది. దీన్ని పూర్తిగా భారతదేశంలో తయారు చెయ్యటం వలన అంతకు ముందు విదేశీ మారక ద్రవ్యాన్ని వెచ్చించి ఇతర దేశాల నుంచి లాంచ్ చేయించిన మన శాటిలైట్ లను మనమే అంతరిక్షంలోకి పంపించగలగటమే కాకుండా ఇతర దేశాల శాటిలైట్లను కూడా మన దేశం నుంచి పంపించగలుగుతున్నాము. దానితో, విదేశీ మారకద్రవ్యాన్ని ఖర్చు పెట్టవలసిన అవసరం లేకపోవటమే కాకుండా విదేశీ ఉపగ్రహాలను కూడా పంపుతుండటంతో ఈ స్పేస్ ప్రాజెక్ట్ లకు మీద విదేశాలనుంచి కూడా ఆదాయం రావటం విశేషం.

-శ్రీజ