ఐసీసీ ఛైర్మన్ గా నియమించబడ్డ శ్రీనివాసన్

Posted: 06/26/2014 06:34 PM IST

(Image source from: N srinivasan confirmed as icc chairman)

మాజీ బీసీసీఐ అధ్యక్షుడు అయిన ఎన్.శ్రీనివాసన్ కు ఊరట లభించింది. గతంలో మ్యాచ్ ఫిక్సింగ్ స్కామ్ లకు పాల్పడుతున్నాడంటూ వచ్చిన ఆరోపణల నేపథ్యంలో... సూప్రీమ్ కోర్టు ఈయనను ఆ పదవి నుంచి తొలగించాల్సిందిగా ఆదేశించింది. దీంతో ఆయన సదరు పదవికి రాజీనామా చేయాల్సి వచ్చింది. అయితే ఇప్పుడు తాజాగా అంతర్జాతీయ క్రికెట్ మండలి (ఐసీసీ) ఛైర్మన్ గా ఈయన నియమితులయ్యారు.

గురువారం (26.06.2014)నాడు మెల్ బోర్న్ లో జరిగిన అంతర్జాతీయ క్రికెట్ మండలి వార్షిక సమావేశంలో పాల్గొన్న ఈయన... అక్కడ 52 మంది కౌన్సిల్ సభ్యులు ఐసీసీ ఛైర్మన్ గా ఆయన పేరును ఆమోదించారు. దీంతో బీసీసీఐ ఈయనను ఐసీసీ ఛైర్మన్ పదవికి ప్రతిపాదించింది. ఈ నేపథ్యంలో మాట్లాడిన శ్రీనివాసన్... ‘‘ఐసీసీ ఛైర్మన్ గా ఎన్నికవ్వడంతో నాకు చాలా సంతోషంగా వుంది. ఇది అత్యంత గౌరవకరమైనది. ప్రపంచవ్యాప్తంగా క్రికెట్ అభివృద్ధికి నేను నిత్యం కృషి చేస్తానని మాటిస్తున్నాను’’ అని పేర్కొన్నారు.

గతంలో శ్రీనివాసన్ ను ఐసీసీ పదవీ దక్కకుండా నిలువరించాలని కోరుతూ సుప్రీంకోర్టులో పిటీషన్ దాఖలు చేశారు. అయితే సదరు పిటీషన్ ను దాఖలు చేసిన క్రికెట్ అసోసియేషన్ ఆఫ్ బీహార్ (క్యాబ్) కు అధికారిక గుర్తింపు లేదని స్పష్టం చేస్తూ... సుప్రీంకోర్టు వారి పిటీషన్ ని తిరస్కరించింది. దీంతో శ్రీనివాసన్ అభ్యర్థిత్వానికి అడ్డంకులు తొలగిపోయాయి.

AS