బాబు ఇక్కడ కనిపిస్తే కాల్పులే?

Posted: 06/23/2014 07:41 AM IST

Firing orders in red sandalwood smugglers in seshachalam forest

ఆంద్రప్రదేశ్ ముఖ్యమంత్రి నారా చంద్రబాబు నాయుడు గట్టి నిర్ణయం తీసుకున్నారు. ‘‘బాబు ఇక ఇక్కడ కనిపిస్తే కాల్పులే’ అని బోర్డులు సీమాంద్రలో పెడుడుతున్నారు. అంటే సీమాంద్ర ప్రాంతం మొత్తం కాదు లేండి? మాజీ ముఖ్యమంత్రి నల్లారి కిరణ్ కుమార్ రెడ్డి హాయంలో.. ఎర్రచందనం పేరు బాగా వినిబడింది. ఇప్పటివరకు ఎర్ర చందనం గురించి తెలియని వారికి కూడా తెలిసిపోయింది. కిరణ్ హయాంలో.. ఎర్రచందనం స్మగ్లర్లు ఇష్టం వచ్చిన తిరుమలలోని శేషాచలం అడవులను గుల్ల చేశారు.

దీంతో సీమాంద్రకు తొలి ముఖ్యమంత్రి అయిన నారా చంద్రబాబు నాయుడు .. ముందుగా ఎర్రచందనం దొంగల పై దృష్టి పెట్టారు. అందులో భాగంగానే బాబు కఠినమైన నిర్ణయాలు తీసుకున్నారు. శేషాచలం అడవుల్లో ఎర్రచందనం సంపదను కొల్లగొట్టడుతున్న స్మగ్లర్లు, కూలీలను ప్రభుత్వం ఇచ్చిన శక్తివంతమైన ఆయుధాలతోతరిమికొట్టాలని కడప జిల్లా కలెక్టర్ కోన శశిధర్ అధికారులకు పిలుపునిచ్చారు. కనిపిస్తే కాల్పులకు వెనకాడ వద్దని సూచించారు.

ఇటీవల చోటు చేసుకుంటున్న పరిణామాలను దృష్టిలో పెట్టుకుని కడప పోలీస్ పరేడ్ గ్రౌండ్‌లో అటవీ అధికారులకు 65 శక్తివంతమైన ఆయుధాలను అందజేశారు. ఎంతటి వారినైనా వదిలే ప్రసక్తి లేదని ఆయన హెచ్చరించారు. స్మగ్లర్లపై పిడి, అటవీ చట్టాలను కఠినంగా అమలు చేయడంలో భాగంగా స్మగ్లర్లు కనిపిస్తే కాల్చివేత తప్పదన్నారు. ఇంటి దొంగల తీరుపై ఆయన ఆవేదన వ్యక్తం చేశారు.