ఏపీ సభాధిపతిగా కోడెల ఏకగ్రీవం

Posted: 06/19/2014 08:06 PM IST

Kodela siva prasad finalized ap first speaker

ఆంధ్రప్రదేశ్ శాసనస సభ కొలువుదీరింది. ముఖ్యమంత్రి చంద్రబాబు నాయుడు శాసన సభ సభ్యుడిగా ప్రమాణ స్వీకారం చేయగా, మిగతా మంత్రులు, ఎమ్మెల్యేలు , ప్రతిపక్ష పార్టీ ఎమ్మెల్యేలు కూడా ప్రమాణ స్వీకారం పూర్తి చేశారు. శాసన సభ కొలువుదీరడంతో శాసన సభాధిపతిగా కోడెల శివప్రసాద్ రావును ఏక గ్రీవంగా ఎన్నుకున్నారు. నిన్న స్పీకర్ పదవికి నోటిఫికేషన్ విడుదల కావడంతో కోడెల నామినేషన్ ధాఖలు చేశారు.

నేడు ఆయన ఏకగ్రీవ ఎన్నిక కోసం ఏపీ ఆర్థిక శాఖ మంత్రి యనమల రామకృష్ణుడు ప్రతిపక్ష పార్టీ నాయకుడు జగన్ మద్దుతు కోరవడంతో ఆయన సానుకూలంగా స్పదించాడు. దీంతో కోడెలను స్పీకర్ గా ఆ పార్టీ పేరు ఖరారు చేసింది. గతంలో కోడెల నర్సారావుపేట నుండి గతంలో ఐదుసార్లు ఎమ్మెల్యేగా గెలుపొందారు. 2014 ఎన్నికల్లో ఆయన సత్తెనపల్లి నుండి పోటీ చేసి గెలుపొందారు.

గతంలో ఆయన మంత్రిగా పనిచేసిన విషయం తెలిసిందే. రేపు ఉదయం అనగా శుక్రవారం ఉదయం 9-22 గంటలకు స్పీకర్‌గా ఆయన ప్రమాణం చేయనున్నారు. రాజకీయాల్లో మంచి అనుభవం ఉన్న కోడెల సభను ఏ విధంగా నడుపుతాడో చూడాలి.