బాబు సభలో తప్పు చేసిన జగన్?

Posted: 06/19/2014 01:33 PM IST

Jaganmohan reddy mistakes oath in andhrapradesh assembly

ఆంద్రప్రదేశ్ అసెంబ్లీ ఈరోజు మొదలైంది. మొట్ట మొదటి సారిగా సీమాంద్ర నాయకులు ..అ సెంబ్లీలోకి అడుగు పెట్టారు. అధికారంలో ఉన్న తెలుగుదేశం పార్టీ నేతలు, ప్రతిపక్షంలో ఉన్న వైఎస్ఆర్ కాంగ్రెస్ పార్టీ నేతలు . తమ తమ పార్టీ కండువాలతో. అసెంబ్లీలోకి అడుగుపెట్టారు.

అసెంబ్లీలో రాజకీయ అనుభవం ఉన్న నాయకులు, కొత్తగా అసెంబ్లీలోకి వచ్చిన నేతలు చాలా మంది ఉన్నారు. సీనియర్లు , జూనియర్లుగా కలిసిపోయిన అసెంబ్లీ శాసనసభ్యునిగా ప్రమాణ స్వీకారం చేయటం మొదలు పెట్టారు. ముందుగా నిర్ణయించిన ముహూర్తాన్ని అనుసరించి ఉదయం 11.52 నిమిషాలకు అసెంబ్లీ ప్రాంగణంలోని పాత శాసనసభా భవనమందిరంలో సభ సమావేశమైంది. సభ ప్రారంభం కాగానే ప్రొటెం స్పీకర్‌ పతివాడ నారాయణస్వామి నాయుడు సభా మర్యాదలు సభ్యులకు తెలిపారు.

టీడీపీ అధ్యక్షుడు, ఆంధ్రప్రదేశ్ ముఖ్యమంత్రి చంద్రబాబు నాయుడు ఎమ్మెల్యేగా ప్రమాణ స్వీకారం చేశారు. సభా సంప్రదాయాలు, మర్యాదలు, నియమాలను గౌరవిస్తానని ఆయన తన ప్రమాణంలో పేర్కొన్నారు. ఆ తరువాత వైఎస్సార్ కాంగ్రెస్ పార్టీ అధినేత జగన్మోహన్ రెడ్డి ఎమ్మెల్యేగా తెలుగులో ప్రమాణ స్వీకారం చేశారు. అయితే, ప్రమాణ పత్రంలోని 'సార్వభౌమాధికారం' అనే పదాన్ని ఉచ్ఛరించేందుకు జగన్ తడబడ్డారు. సార్వభౌ.. అధికారమంటూ ఆయన ఉచ్ఛరించారు.

అలాగే, ఉప ముఖ్యమంత్రులుగా ప్రమాణం చేసిన కేఈ కృష్ణమూర్తి కూడా ఈ పదాన్ని ఉచ్ఛరించడంలో తొట్రుపాటుకు లోనయ్యారు. మరో ఉప ముఖ్యమంత్రి చిన్నరాజప్ప అయితే ప్రమాణ పత్రాన్ని చదవడంలో తడబడ్డారు. ఇలా చంద్రబాబు సభలో జగన్ , కొంతమంది నేతలు తప్పులు చేశారు. ఇప్పుడే ఇలా చేస్తే.. ముందు ముందు మన నేతలు ఇలా తప్పులు ఎన్ని చేస్తారో చూద్దాం.