సీమాంద్రకు ప్రత్యేక హోదా ఇచ్చి తీరుతాం: కేంద్రం

Posted: 06/18/2014 07:53 AM IST

సీమాంద్ర ప్రత్యేక కేటగిరి హోదా ఇవ్వటంతోపాటు తెలంగాణతో ముడిపడి ఉన్న సమస్యలను పరిష్కరించటానికి అవసరమైన ఆన్ని చర్యలు తీసుకుంటామని కేంద్ర కేబినెట్ కార్యదర్శి అజిత్ సేత్ హామీ ఇచ్చారు. రాష్ట్ర విభజన పర్యవసానంగా తలెత్తిన వివిధ సమస్యలపై ప్రభుత్వ ప్రధాన కార్యదర్శి ఐవైఆర్ కృష్ణారావు కేబినెట్ కార్యదర్శితో సంప్రదించారు.

ప్రత్యేక కేటగిరి హోదా విషయంలో అనుమానాలకు తావులేదని క్యాబినెట్ కార్యదర్శి స్పష్టం చేశారు. క్యాబినెట్ కార్యదర్శితోపాటు ఆయన పెట్రోలియం రసాయనాలు, మానవ వనరుల అభివృద్ధి శాఖకు చెందిన కార్యదర్శులతో సమావేశమయ్యారు.

కాకినాడ-విశాఖ మధ్య పెట్రోలియం కారిడార్‌ను నిర్మించటానికి తగిన చర్యలు తీసుకోవలసిందిగా కృష్ణారావు కోరారు. సీమాంధ్రలో ఐఐఎం, ఐఐటిల ఏర్పాటుకు చర్యలు తీసుకోవాలని మానవ వనరుల అభివృద్ధిశాఖ కార్యదర్శికి విజ్ఞప్తి చేశారు.